U niamieckaj ziamli Hiesen adbyłasia avaryja z udziełam dvuch hruzavikoŭ, u vyniku jakoj adzin biełarus zahinuŭ, a druhi atrymaŭ traŭmy. Pra heta paviedamlaje miascovaja palicyja, piša sajt «Biełaruś i mir».
Trahičnaje DTZ zdaryłasia ŭ aŭtorak 14 krasavika na aŭtabanie A4 na terytoryi abščyny Chierleschaŭzen, pamiž raźviazkami Chierleschaŭzen i Vomien, pryblizna ŭ 16.15.
Na hetym učastku mahistrali ŭźnik korak praź inšuju avaryju, jakaja adbyłasia raniej.
Pa niejkaj pryčynie 39‑hadovy biełarus, jaki siadzieŭ za rulom fury, nie zaŭvažyŭ zator svoječasova i na vysokaj chutkaści ŭrezaŭsia ŭ zadniuju častku paŭpryčepa inšaha vialikahruza.
Ad siły ŭdaru pasažyr — taksama biełarus i taksama va ŭzroście 39 hadoŭ — byŭ vykinuty z kabiny i pamior na miescy. Sam ža kiroŭca atrymaŭ traŭmy, jaho dastavili ŭ najbližejšuju balnicu.
U vyniku sutyknieńnia była naniesiena materyjalnaja škoda prykładna na 100 tysiač jeŭra.
U chodzie vyratavalna-adnaŭlenčych rabot asnoŭnaja prajeznaja častka aŭtamahistrali A4 była całkam pierakryta, ale ruch pieranakiravali praz aŭtastajanku Burhbierh.
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada
Dalnabojščyka z Družnaha, jaki pracavaŭ u Jeŭrasajuzie, asudzili pa palityčnaj spravie
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić
Biełaruski dalnabojščyk sprabavaŭ pravieźci ŭ Litvu cyharety, zapakavaŭšy ich u matrac
U Aŭstryi navihatar zavioŭ furu biełarusa ŭ pastku
Kamientary