Na praśpiekcie Niezaležnaści, la Nacyjanalnaj biblijateki.
U niadzielu kala a pałovy dvanaccataj nočy na praśpiekcie Niezaležnasci 21‑hadovaja kiroŭca aŭtamabila «Leksus»,
jakaja prajazdžała nasuprać Nacyjanalnaj biblijateki, učyniła najezd na dvuch piešachodaŭ — maładych ludziej 1987 i 1984 hadoŭ naradžeńnia.
Pavodle źviestak adździeła pa ahitacyi i prapahandzie DAI HUUS Minharvykankama, piešachody pierasiakali prajeznuju častku pa piešachodnym pierachodzie, jaki nie rehulujucca. U vyniku DTZ abodva paciarpiełyja źmieščanyja ŭ balnicu: adzin z ich z zakrytaj ČMT ciažkaj stupieni, pierałomam kaściej pravaj halonki i zakrytaj traŭmaj žyvata, druhi atrymaŭ zakrytuju ČMT siaredniaj stupieni, zakryty pierałom kaściej pravaj halonki.
Jak patłumačyła kiroŭca «Leksusa» i śviedki DTZ, jaje mašynu padrezała inšaje aŭto.
Žančyna‑kiroŭca, staž vadžeńnia jakoj składaje 1,5 hoda, nie zaŭvažyła piešachodnaha pierachoda i ŭčyniła najezd na dvuch ź piaci piešachodaŭ, što pierachodzili darohu.
Miž inšym, pavodle źviestak DAI HUUS Minharvykankama, tolki za minułyja vychadnyja ŭ stalicy było zatrymana 58 kiroŭcaŭ, jakija sieli za rul aŭto ŭ niećviarozym stanie.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary