Jak nie chvalavacca i nie vyharać. Parady psichołaha praduktyŭnaści, jaki vykładaje amierykanskim vajskoŭcam

Mała chto raźbirajecca ŭ niuansach matyvacyi va ŭmovach stresu lepš za Nejta Zinsiera, aŭtara knihi «Upeŭnieny rozum: hid pa stojkaj praduktyŭnaści, pravierany bajami». Jon pracuje na prahramie psichałohii praduktyŭnaści ŭ vajskovaj akademii ŭ ZŠA i jaho zadača trymać bajavy duch kursantaŭ ciaham čatyroch hod navučańnia dy navučyć ich stojkaści na budučyja hady słužby. Navat kali vam nie treba na vajnu, vam dakładna daviadziecca pieražyć stresy ŭ hetym žyćci, i tamu parady Zinsiera mohuć prydacca i vam taksama.

Raźbiaryciesia sa svaim palivam

Vohnišča daharaje, tamu što zakančvajucca drovy. Na jakich mietafaryčnych drovach haryć vaša vohnišča? Abaviazkova aptymizujcie svajo paliva — son, emacyjny stan, dumki. Pryviadzicie da ładu hetyja try aśpiekty.

Pieramiaściciesia ŭ zonu radaści

Admoŭnyja emocyi spažyvajuć šmat paliva. «Bojciesia pravalicca ŭ strach, zajzdraść, złość ci reŭnaść», — papiaredžvaje aŭtar. Hetym emocyjam možna supraciŭlacca. Najlepšy recept zmahańnia ź imi — być udziačnym, śviadoma canić niešta dobraje pobač. Adčuvańnie ŭdziačnaści dapamoža pieraklučycca z admoŭnych emocyj na stanoŭčyja.

Navučyciesia rassłablacca pa kamandzie

Zinsier pryvodzić prykład techniki, jakoj užo 50 hod: čałaviek spyniajecca, kancentrujecca na svaim dychańni, paŭtaraje prostaje pryjemnaje słova: «spakojna», «lohka», «cicha» ci słova ź niejkim relihijnym sensam. «Pa sutnaści, vy rassłablajecie svoj rozum praz pryviadzieńnie ŭ normu kryvianoha cisku, sardečnaha rytmu, pavyšeńnie ŭzroŭniu kisłarodu ŭ kryvi», — kaža Nejt. Jaho kadety, naprykład, praktykujuć hetuju techniku ŭ trenažornaj zale pamiž padychodami da trenažoraŭ.

Rabicie sabie mikrapierapynki

Žaŭnieru važna za dźvie chviliny, kali jon skidvaje zaplečnik i siadaje na ziamlu, paśpieć uvajści ŭ stan hłybokaj rassłablenaści. Takaja zdolnaść — nievierahodna kaštoŭnaja i dla luboha inšaha čałavieka. Važna ŭvieści heta sabie ŭ zvyčku — niekalki razoŭ na dzień na piać chvilin traplać u stan poŭnaj rassłablenaści.

Vielmi aščadna staŭciesia da svajoj enierhii

Kali vy nie majecie mahčymaść paŭpłyvać na niešta, nie marnujcie svaju fizičnuju, razumovuju ci emacyjnuju enierhiju na heta. Staŭciesia da bosa ci da pracoŭnaha raskładu jak da «siły hravitacyi»: skardzicca na hravitacyju biessensoŭna, ale enierhazatratna.

Viedajcie svaje patreby

Zadača nie ihnaravać sapraŭdnyja pačućci, ale vyznačyć, što mienavita vam treba tut i ciapier, kab dasiahnuć najlepšych vynikaŭ. Kali dla paśpiachovaha rašeńnia zadačy vam treba rana lehčy spać — idzicie spać rana, kali vam patrebnaja hadzina, kab padrychtavać prezientacyju — vyzvalcie sabie hetuju hadzinu, kali vam dapamoža masaž — schadzicie na masaž. Astatnija patreby, kali ad ich nie zaležyć vaša asnoŭnaja zadača ciapier, musiać pačakać.

Čamu šviedy jaduć cukierak pa kiłahramie na siamju ŭ tydzień, a zuby ŭ ich adny z najlepšych u Jeŭropie

Čamu mieniedžary-milenijały vyharajuć na pracy chutčej za inšych?

Jak zmahacca z zaležnaściu padletkaŭ ad videahulniaŭ? Rajać sami padletki

• 1
• 0
• 0
• 0
• 0
• 0