Izrailskaja advakatka, jakuju trymajuć u minskim SIZA za miedycynski kanabis, prosić vyratavać jaje z «hetaha piekła»
Hramadzianka Izraila Maja Rajten u Biełaruś prylacieła 11 listapada dla akazańnia jurydyčnaj dapamohi izrailskamu biznesmienu.
Padčas mytnaha ahladu ŭ aeraporcie ŭ jaje asabistych rečach znajšli 2,5 hrama kanabisu. U žančyny byŭ na jaho miedycynski dazvoł, ale ŭ Biełarusi hetaja papiera nie maje siły, piša «Radyjo Svaboda».
Izrailskija ŚMI apublikavali list ź SIZA Mai Rajten. Žančyna prosić pakłaści kaniec pakutam jaje i siamji.
«Ja nie mahu bolš zastavacca tut, ja nie praciahnu doŭha, — cytuje list izrailski sajt. — Ja adrezanaja ad lubych znosin z navakolnym śvietam».
Žančyna znachodzicca ŭ adnoj kamiery z tryma susiedkami. Nichto ź ich nie viedaje anhlijskaj, tamu Mai niama z kim navat pahavaryć. Jana taksama raskazała ab prablemach sa zdaroŭjem — kožny dzień joj robiać ukoł, adnak biełaruskija leki nie dapamahajuć ad niekalkich chraničnych chvarob, a izrailskich — niama.
Žančyna źviarnułasia da izrailskich čynoŭnikaŭ z prośbaj dapamahčy vyzvalić jaje. Jana zaklikała ich «dziejničać z usioj enerhijaj, kab pakłaści kaniec hetamu piekłu», praź jakoje jana prachodzić u SIZA.
Kamientary