Ізраільская адвакатка, якую трымаюць у мінскім СІЗА за медыцынскі канабіс, просіць выратаваць яе з «гэтага пекла»
Грамадзянка Ізраіля Мая Райтэн у Беларусь прыляцела 11 лістапада для аказання юрыдычнай дапамогі ізраільскаму бізнэсмену.
Падчас мытнага агляду ў аэрапорце ў яе асабістых рэчах знайшлі 2,5 грама канабісу. У жанчыны быў на яго медыцынскі дазвол, але ў Беларусі гэтая папера не мае сілы, піша «Радыё Свабода».
Ізраільскія СМІ апублікавалі ліст з СІЗА Маі Райтэн. Жанчына просіць пакласці канец пакутам яе і сям’і.
«Я не магу больш заставацца тут, я не працягну доўга, — цытуе ліст ізраільскі сайт. — Я адрэзаная ад любых зносін з навакольным светам».
Жанчына знаходзіцца ў адной камеры з трыма суседкамі. Ніхто з іх не ведае англійскай, таму Маі няма з кім нават пагаварыць. Яна таксама расказала аб праблемах са здароўем — кожны дзень ёй робяць укол, аднак беларускія лекі не дапамагаюць ад некалькіх хранічных хвароб, а ізраільскіх — няма.
Жанчына звярнулася да ізраільскіх чыноўнікаў з просьбай дапамагчы вызваліць яе. Яна заклікала іх «дзейнічаць з усёй энэргіяй, каб пакласці канец гэтаму пеклу», праз якое яна праходзіць у СІЗА.
-
Што вядома пра сям'ю з Баранавічаў, у якой і мужу, і жонцы далі велізарныя тэрміны за «здраду дзяржаве»
-
Трох чалавек, затрыманых па справе аб «падрыхтоўцы тэрактаў», пачнуць судзіць у кастрычніку
-
«За кожнай прыгожай карцінкай стаіць вялікая праца». Беларуска расказала, як знялася ў модным часопісе Vogue
Каментары