U Kazachstanie pratestoŭcy zachoplivajuć zbroju i vajskovuju techniku
Situacyja ŭ Kazachstanie na hety momant: siłaviki pakul nie ŭžyvali ahniastrelnaj zbroi, praciŭniki ŭłady zachoplivajuć vajskovuju techniku na vulicach.
Centram pratestaŭ staŭ samy vialiki horad krainy — Ałmaty.
Siońnia zranku niekalki tysiač demanstrantaŭ sabrałasia na centralnaj płoščyi, pa darozie zachoplivajučy techniku siłavikoŭ i aŭtamaty.
Jany šturmavali budynak akimata — abłasnoj administracyi. U im uźnik pažar. Paśla žorstkich sutyčak i pierastrełak siłaviki pakinuli akimat i płošču pierad im.
Šturm akimata adbyŭsia i ŭ 4-m pa pamiery horadzie krainy — Aktabie.
A ŭ Žanaazienie, kałyscy hetaha paŭstańnia, narod uparta staić na płoščy. Mienavita rasstreł rabočych Žanaaziena ŭ 2011 hodzie lažyć čornaj plamaj na Nazarbajevie.
Praciŭniki ŭłady pakul zavałodali nievialikaj kolkaściu zbroi. Dalejšy chod padziej budzie zaležać ad taho, ci zmohuć jany zachapić budynki, dzie jość vialikija zapasy zbroi: UUS, budynak dziaržbiaśpieki i vajskovyja častki.
Na videa z čata Ałmaty: siłaviki biahuć i addajuć ščyty praciŭnikam ułady.
Kamientary