Skončana rasśledvańnie hučnaj kryminalnaj spravy ŭ dačynieńni da byłoha namieśnika dyrektara pa charčavańni i buchhałtara hatelu «Jeŭropa».
Skončana rasśledvańnie hučnaj kryminalnaj spravy ŭ dačynieńni da byłoha namieśnika dyrektara pa charčavańni i buchhałtara hatelu «Jeŭropa». Ich abvinavačvajuć ŭ ździajśnieńni kradziažu ŭ bujnym pamiery i słužbovym padłohu pry dapamozie kamputarnaj techniki.
U vieraśni 2008 hoda ŭ hałoŭnaje ŭpraŭleńnie pa baraćbie z karupcyjaj i ekanamičnymi złačynstvami MUS pastupiła infarmacyja pra toje, što ŭ restaranie haścinicy «Jeŭropa» (pieršaja i adzinaja piacizorkavaja haścinica ŭ Biełarusi) pravodziacca «levyja» bankiety.
Padčas pravierki finasava‑haspadarčaj dziejnaści haścinicy apieratyŭnikami infarmacyja paćvierdziłasia: nasamreč u restaranie pravodzilisia bankiety, jakija nie byli zapisanyja ŭ buchhałtarskaj spravazdačnaści.
Jak akazałasia, niezakonnyja bankiety arhanizoŭvała były namieśnik pa charčavańni. Z metaj udziełu ŭ niezakonnych apieracyjach jana pryciahnuła i buchhałtara ŭstanovy.
Zhodna raspracavanaha namieśnicaj dyrektara płanu, jana zrabiła padrobnyja rachunki na błankach PSUP «Haścinica Jeŭropa». U ich jana zaniesła niapravilnyja źviestki pra zamovy bankietaŭ (pavodle kolkaści stravaŭ, napitkaŭ i ich koštu). Hetyja rachunki padazravanyja pieradavali napiaredadni bankietaŭ pracaŭnikam restarana, jakija ŭ svaju čarhu pradjaŭlali ich klijentam dla apłaty.
Akramia taho, uvioŭšy ŭ zman pracaŭnikoŭ restarana, namieśnica dyrektara davała ŭkazańni ŭvodzić ŭ kamputarnuju sistemu, jakaja vykarystoŭvajecca u restaranie haścinicy dla ŭliku prodažaŭ, niapravilnyja źviestki pra zamovy klijentaŭ z ukazańniem mienšaha asartymientu, kolkaści pradukcyi na mienšuju sumu. A paśla apłaty rachunkaŭ klijentami jana zabirała roźnicu sabie. Va ŭsich hetych dziejańniach joj dapamahała buchhałtarka.
Takim čynam jany ździejśnili kradziež na ahulnuju sumu 20,8 miljonaŭ rubloŭ, a taksama słužbovy padłoh šlacham skažeńnia buchhałtarskich spravazdač z vykarystańniem kamputarnaj techniki na sumu 447,2 miljonaŭ rubloŭ.
Kryminalnaja sprava nakiravanaja ŭ sud. Zhodna z zakanadaŭstvam za kradziež šlacham złoŭžyvańnia słužbovymi paŭnamoctvami art. 210 KK praduhledžana pakarańnie ad 3 da 10 hadoŭ z kanfiskacyjaj majomaści i pazbaŭleńniem prava zajmać peŭnyja pasady.
Pavodle pres‑słužby MUS, na hety momant abiedźvie padazravanyja pryznali siabie vinavatymi i kampiensavali škodu ŭ pamiery 30 miljonaŭ rubloŭ. Pravierka apieratyŭnikami praciahvajecca.
Ciapier čytajuć
U Varšavu pryjechała sotnia biełaruskich palitviaźniaŭ5
Kamientary