Varažbitka abrała niezvyčajny sposab pradkazvać budučyniu: na sparžy. Jakim budzie 2022 hod?
Anhličanka Džemajma Pakinhtan, jakaja pradkazvaje budučyniu z dapamohaj sparžy i nazyvaje siabie Mystic Veg (Mistyčnaja Harodnina), raskryła svaje prahnozy na 2022 hod. 65-hadovaja žančyna śćviardžaje, što, padkidvajučy ŭ pavietra ściabliny sparžy i tłumačačy, jak jany pryziamlajucca, jana prahnazuje, što adbudziecca ŭ śviecie, piša brytanski tabłoid Metro.
Paru hod tamu jana pradkazvała Breksit, Borysa Džonsana na pasadzie premjer-ministra, a taksama toje, što Hary i Miehan rassvaracca z karaleŭskaj siamjoj.
Jana ličyć, što mistar Džonsan zastaniecca na Daŭninh-stryt u hetym hodzie, pieražyŭšy lidara lejbarystaŭ sera Kiejra Starmiera, i pradkazvaje členam karaleŭskaj siamji novyja vyprabavańni, u tym liku «skandały, i navat niešta horšaje».
Što tyčycca śvietu futboła, Džemajma pradkazvaje, što «Mančester Sici» sastupić tytuł čempijona Premjer-lihi supiernikam z «Mančester Junajted», jakija ciapier zajmajuć 7-y radok u ahulnaj tablicy.
Džemajma z horada Bat pačała rabić pradkazańni va ŭzroście vaśmi hadoŭ i kaža, što atrymała ŭ spadčynu hety dar ad svajoj ciotki, jakaja varažyła na kavavaj huščy.
«Zvyčajna ja dakładnaja ŭ svaich prahnozach na 75—90%. Ja prahladaju svaje prahnozy kožny hod i dumaju: «Tak, i heta zdaryłasia, i heta».
Dla svaich prahnozaŭ Džemajma vykarystoŭvaje śviežuju vusteršyrskuju sparžu, vyraščanuju ŭ dalinie Iŭšem. Jana biare žmieniu ściabninaŭ, padkidvaje ich u pavietra i «sčytvaje» formy, jakija jany ŭtvarajuć, kali pryziamlajucca.
Sioleta žančynie spatrebiłasia bolš za 24 hadziny za dźvie siesii, kab zrabić svaje prahnozy. Siarod ich dosyć šmat abstraktnych (kštałtu kavid zastaniecca z nami nazaŭsiody, ludzi buduć bolš pracavać z domu, niečakanyja śmierci lehiend šoŭ-bizu buduć šakavać prychilnikaŭ, a klimat budzie psavacca), my ž źvierniem vašu ŭvahu na kankretnyja fakty: na dumku varažbitki, sioleta čempijonam śvietu pa futbole stanie Charvatyja, a Oskar za najlepšy film atrymaje karcina «Siła sabaki».
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka1
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2020
Kamientary