Armien Sarkisian, tłumačačy svajo rašeńnie, zaklikaŭ nie šukać u im emacyjnych čyńnikaŭ, a sychodzić jon tamu, što nie bačyć mahčymaści niejak upłyvać na biahučuju palityku.
«U prezidenta niama nieabchodnych instrumientaŭ dla ŭździejańnia na radykalnyja pracesy ŭnutranaj i źniešniaj palityki ŭ hety niaprosty dla krainy i naroda čas. U hety niaprosty dla našaj dziaržavy čas, kali nieabchodna nacyjanalnaje adzinstva, instytut prezidenta nie pavinien być abjektam plotak i teoryj zmovy, adciahvajučy tym samym uvahu hramadskaści ad samych važnych pytańniaŭ»,
— patłumačyŭ svaju adstaŭku ŭžo były prezident.
Armien Sarkisian byŭ prezidentam Armienii z 9 krasavika 2018 hoda. Paśla kanstytucyjnaj reformy toj, chto zajmaje hetuju pasadu, choć farmalna i ličycca kiraŭnikom krainy, ale rola jahonaja bolš cyrymanijalnaja. Hałoŭnyja kiraŭničyja ryčahi — u rukach premjer-ministra, jakim ciapier źjaŭlajecca Nikoł Pašynian.
Sarkisian — nie paplečnik Pašyniana, jon pradstaŭnik toj kamandy, jakaja była va ŭładzie da jaho. Pavodle zadumanaj byłym prezidentam Sieržam Sarhsianam schiemy tranzitu, Sarkisian musiŭ u novaj kanfihuracyi zaniać pasadu prezidenta, a Sarhsian, jaki, adbyŭšy dva terminy, bałatavacca ŭžo nie mieŭ prava, chacieŭ stać stać premjeram z pašyranymi paŭnamoctvami.
Ale narodnyja vystupleńni dazvolili hetyja płany realizavać tolki častkova. Kali Sarkisian prezidenckaje kresła zaniać zdoleŭ, to Sarhsian vymušany byŭ pad ciskam vulicy ad svaich płanaŭ admovicca. Ciapier sychodzić i Sarkisian.
Ciapier čytajuć
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary