U kramie asobna paznačyli sacyjalna značnyja pradukty FOTAFAKT
Niekatoryja vidy miasa ŭ «Karonie» ciapier paznačanyja na vitrynie jak «sacyjalna značnyja», zaŭvažyŭ Onliner.by. Heta tyja samyja pradukty, na jakija piensijaniery, šmatdzietnyja siemji i małamajomasnyja biełarusy mohuć atrymać źnižku 10%.
Sacyjalnaja źnižka raspaŭsiudžvajecca na pieralik tavaraŭ z 29 pazicyj. Ale śpiecyjalnyja tablički Onliner vyjaviŭ tolki ŭ miasnym adździele. Možna mierkavać, što mienavita nakont miasnych praduktaŭ pakupniki zadajuć bolš za ŭsio pytańniaŭ.
Takim čynam, što možna kupić sa źnižkaj? Jak sacyjalna značny tavar paznačany, naprykład, paŭfabrykat sa śvininy «Hrudzinka «Viaskovaja»» na kostcy — jon pradajecca za 9 rubloŭ 63 kapiejki.
Nabor dla chaładca «Sialanski» taksama addaduć tańniej na 10%. Standartnaja cana — 5 rubloŭ 10 kapiejek za kiłahram.
Jak asabliva značny dla ludziej pradukt ciapier pradajecca i jałavičyna 2-ha hatunku. Košt — 9 rubloŭ 60 kapiejek. Na miasie, daražejšym za 10 rubloŭ, ceńniki zvyčajnyja.
u dakumiencie ad MARH havorycca, što sacyjalnaja źnižka dastupnaja pry nabyćci jałavičyny i śvininy (akramia bieskaściovaha miasa), a taksama miasa kurej, u tym liku kuraniat-brojleraŭ, astudžanaha abo zamarožanaha, u tuškach. Jość niuansy i ŭ dačynieńni da inšych praduktaŭ.
Stała viadoma, kamu i na jakija tavary daduć źnižku handlovyja centry
Zharnuli inšyja źnižki dla piensijanieraŭ. Jak handlovyja sietki ŭvodziać sacyjalny dyskont
U Biełarusi ŭžo niekalki viečaroŭ prablemy ź internetam. Raskazvajem, što adbyvajecca7
Kamientary