Śviatłana Łabada vyhnała sa svajho kancertu rasijanku, jakaja admoviłasia asudzić palityku Pucina
Incydent z udziełam ukrainskaj śpiavački Śviatłany Łabady adbyŭsia padčas jaje kancertu ŭ Jerevanie.
Padčas šou Łabada paklikała na scenu adnu z hladačak, jakoj akazałasia rasijanka pa imieni Julija. Artystka paprasiła jaje vykazacca ŭ mikrafon i vyrazna asudzić dziejańni rasijskich uładaŭ, a kali pačuła admovu, to adreahavała bieskampramisna.
Łabada rašuča paprasiła rasijanku pakinuć zału.
«Vy pa-za palitykaj? Kali vy pryjšli na moj kancert, to pavinny padtrymlivać maju pazicyju. Kali nie — vam lepš pajści, razmaŭlać dalej ja nie budu», — zajaviła Śviatłana Łabada.
Sama Łabada viała aktyŭnuju kancertnuju dziejnaść u Rasii paśla akupacyi hetaj krainaj ukrainskaha Kryma, a ŭ 2015 hodzie taksama śpiavała 9 maja na mierapryjemstvie, pryśviečanym pieramozie Savieckaha Sajuza ŭ Druhoj suśvietnaj vajnie. Adnak paśla pačatku intensiŭnych bajavych dziejańniaŭ u lutym 2022 hoda vykanaŭca źjechała na Zachad i zaniała patryjatyčnuju pazicyju. Siarod inšaha jana akazvała dapamohu paciarpiełym ad rasijskaj ahresii.
Praŭda, raniejšyja hrachi joj čas ad času adhukalisia. Kali ŭ 2022 hodzie śpiavačka chacieła vystupić na dabračynnym mierapryjemstvie ŭ Łatvii, pryśviečanym padtrymcy Ukrainy, arhanizatary joj hetaha nie dazvolili. Akramia taho, kali ŭ listapadzie 2022-ha Łabada płanavała kancertny tur pa bujnych haradach Litvy, to jaje chacieli dadać u śpis niepažadanych u Litvie asob. Praŭda, paśla hetaha rabić nie stali.
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy5
Kamientary