Departamient finansavych rasśledavańniaŭ raspačaŭ kryminalnuju spravu ŭ dačynieńni da Paŭła Łatuški
Paviedamlajecca, što orhanami finansavych rasśledavańniaŭ KDK padčas praviadzieńnia pravieračnych mierapryjemstvaŭ pa kantroli za raschodavańniem biudžetnych srodkaŭ, nakiravanych na vytvorčaść nacyjanalnych filmaŭ i filmaŭ u ramkach sacyjalna-tvorčych zakazaŭ, ustanoŭlenyja fakty parušeńnia paradku finansavańnia šerahu kinaprajektaŭ za košt srodkaŭ biudžetu.
«Padčas pravieračnych mierapryjemstvaŭ ad adnaho z kiraŭnikoŭ biełaruskaj kampanii, jakaja zajmajecca vytvorčaściu kina- i videapradukcyi, pastupiła jaŭka z pavinnaj ab pieradačy ŭ 2012 hodzie chabaru Paŭłu Łatušku, jaki zajmaŭ na toj momant pasadu ministra kultury, pamieram 10 000 dalaraŭ. U vyniku było spryjalna vyrašanaje pytańnie ab uklučeńni adpaviednaha kinaprajekta ŭ płan finansavańnia vytvorčaści filmaŭ na 2012-2013 hady», — havorycca ŭ paviedamleńni Hienprakuratury.
Takim čynam, u dačynieńni da Paŭła Łatuški zaviedzienaja kryminalnaja sprava pa prykmietach składu złačynstva, praduhledžanaha častkaj 3 artykuła 430 KK.
Na Łatušku taksama raspačatyja inšyja spravy:
— stvareńnie ekstremisckaha farmavańnia i kiraŭnictva im (č. 1 art. 361-1 Kryminalnaha kodeksa);
— zmova z metaj zachopu dziaržaŭnaj ułady niekanstytucyjnym šlacham (č. 1 art. 357 Kryminalnaha kodeksa);
— zakliki da źviaržeńnia abo źmianieńnia kanstytucyjnaha ładu Respubliki Biełaruś abo da ŭčynieńnia złačynstvaŭ suprać dziaržavy (pa č. 3 art. 361 Kryminalnaha kodeksa);
— zamach na akt teraryzmu (č. 1 art. 14 i č. 3 art. 289 Kryminalnaha kodeksa).
Čytajcie taksama:
Suprać Łatuški raspačali spravu ab pieravyšeńni słužbovych paŭnamoctvaŭ. Nibyta 8 hod tamu jon niezakonna prafinansavaŭ filmy
Prakuratura zaviała kryminałku na Łatušku za pravalny film. Ale padazravanym moža być nie tolki jon
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary