«Patuzaŭsia z padnačalenym». Za što buduć sudzić padpałkoŭnika ź Iŭja, jaki vystupiŭ suprać hvałtu
Niadaŭna stała viadoma, što byłoha padpałkoŭnika milicyi ź Iŭja, Piatra Bućko, jaki ŭdzielničaŭ u 2020 hodzie ŭ pratestach, buduć sudzić za pieravyšeńnie ŭłady (č. 3 art. 426 KK). U kancy minułaha hoda jon byŭ aryštavany na 32 sutak.
Jak stała viadoma «Našaj Nivie», sens kryminalnaj spravy ŭ tym, što Bućko, byŭšy najomnym dyrektaram na pryvatnym transpartnym pradpryjemstvie ŭ Iŭi, nibyta, patuzaŭsia sa svaim padnačalenym.
Praz što ŭ ich zdaryŭsia kanflikt nieviadoma. Jak i nieviadoma, navat ci znachodzicca ciapier paciarpieły ŭ Biełarusi. Miascovyja kažuć, što jon vyjechaŭ z krainy. Mienavita ŭ hetym epizodzie abvinavačvajuć Bućko.
«Pryncypovy mužyk u staŭleńni da zakona — pracujučy ŭ DAI aštrafavaŭ kiroŭcu Siamiona Šapiry za pieravyšeńnie chutkaści, kali Šapira byŭ hubiernataram Hrodnienskaj vobłaści», — kažuć znajomyja.
Jak tak atrymałasia z pabojami znajomyja Budźko nie viedajuć. Žonka aficera na kantakt z žurnalistami nie pajšła.
Kamientary