Novy siertyfikat ab pryščepcy suprać karanavirusa budzie z QR-kodam. Jaho buduć vydavać z 15 lutaha
Z 15 lutaha ŭ krainie źjaviacca novyja siertyfikaty ab vakcynacyi suprać COVID-19. Jak jany buduć vyhladać, raskazaŭ zahadčyk siektara prahramna-infarmacyjnaha zabieśpiačeńnia Ministerstva achovy zdaroŭja Viktar Sidarenka.
Pakolki ŭviadzieńnie novaj formy siertyfikata źviazana z pačatkam u krainie etapa revakcynacyi, to ŭ joj uviedzienyja dadatkovyja hrafy: bustiernaja vakcynacyja / revakcynacyja. Taksama ŭnutry dakumienta źjaviłasia standartyzavanaje miesca dla raźmiaščeńnia QR-koda.
«Heta važna dla tych, chto vykarystoŭvaje mabilny dadatak «Padarožničaju biez COVID-19», — padkreśliŭ Viktar Sidarenka. Pavodle jaho, tak biełarusy zmohuć biez prablem pieramiaščacca ŭ dziaržavy JEAES i inšyja krainy, dzie dziejničaje heta dadatak.
Ale pakolki ŭ kožnaj krainy svaje praviły, to lepš pra ŭsie niuansy padarožnikam daviedvacca zahadzia i nie spadziavacca tolki na siertyfikat.
Staryja siertyfikaty zachavajuć sapraŭdnaść da paznačanaj na ich daty. Pytańnie ž abmienu na novy siertyfikat addajecca na vyrašeńnie samich ludziej. Zamienu možna zrabić tam, dzie atrymlivaŭsia papiaredni dakumient.
Taksama ŭ krainie źjavicca adzinaja sistema, dzie buduć zarehistravanyja ŭsie «biełyja siertyfikaty», heta značyć atrymanyja aficyjna, nie falsifikavanyja. Jaje płanujecca ŭvieści ŭ ekspłuatacyju da 1 krasavika.
Ciapier čytajuć
«I ŭpieršyniu prahučała: fašysty-łukašysty». Čarnobylski Šlach — 1996 va ŭspaminach vidavočcaŭ, jakija praź dziesiacihodździ paśla taho dnia stali mužam i žonkaju22
«I ŭpieršyniu prahučała: fašysty-łukašysty». Čarnobylski Šlach — 1996 va ŭspaminach vidavočcaŭ, jakija praź dziesiacihodździ paśla taho dnia stali mužam i žonkaju2
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary