Zacharava zajaviła, što RF nie moža pryniać kalektyŭny adkaz ES i NATO na list Łaŭrova
Rasija nie moža pryniać kalektyŭny adkaz Jeŭrasajuza i NATA na list kiraŭnika MZS RF Siarhieja Łaŭrova pra ich razumieńnie pryncypu niepadzielnaści biaśpieki. Pra heta havorycca ŭ raspaŭsiudžanym u piatnicu kamientaryi aficyjnaha pradstaŭnika MZS Rasii Maryi Zacharavaj u suviazi ź piśmovaj reakcyjaj NATA i ES adnosna razumieńnia i realizacyi na praktycy pryncypu niepadzielnaści biaśpieki, piša TASS.
«Nie možam pryniać «kalektyŭny» adkaz, jaki nahadvaje «kruhavuju paruku». Čakajem razhornutaj reakcyi na pastaŭlenaje nami pytańnie ad kožnaha adrasata. Uvilvańnie ad adkazu aznačaje, što na Zachadzie nie chočuć pryznavać za saboj uziatyja pa linii ABSIE i Rasija — NATO abaviazacielstvy i sprabujuć kłapacicca ab svajoj biaśpiecy za naš košt», — padkreśliła dypłamat.
Zacharava źviarnuła ŭvahu na toje, što ŭ adkazach hienieralnaha sakratara NATA Jensa Stołtenbierha i kiraŭnika jeŭradypłamatyi Žazepa Barela, da jakich Maskva nie źviartałasia, niama pradmietnaj reakcyi na prosta pastaŭlenaje pytańnie. «Zamiest hetaha nam prapanujecca ŭstupić u dyjałoh pa ŭmacavańni biaśpieki. Nahadajem, što pasłańnie Siarhieja Łaŭrova było adrasavanaje ministram zamiežnych spraŭ 37 dziaržaŭ Jeŭropy i Paŭnočnaj Amieryki. I ŭ im było asabliva padkreślena, što my čakajem razhornuty adkaz u nacyjanalnaj jakaści», — dadała pradstaŭnica MZS RF.
Čytajcie taksama:
Łaŭroŭ nakiravaŭ list krainam Jeŭropy, a adkazaŭ na jaho kiraŭnik dypłamatyi ES
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary