Prychilniki zabarony dośledaŭ nad žyviołami razhromna prajhrali refierendum u Šviejcaryi
Siońnia ŭ Šviejcaryi adbyŭsia ahulnanacyjanalny refierendum, na jaki było vyniesiena pytańnie zabarony dośledaŭ nad žyviołami. Suprać hetaj inicyjatyvy vykazalisia 79,1% hramadzian, śviedčyć vyniki hałasavańnia, apublikavanyja na sajcie šviejcarskaj telekampanii Er-te-es, jakaja ŭ anłajn-režymie viała padlik hałasoŭ.
Zaaabaroncy prapanoŭvali zabaranić nie tolki sami dośledy nad «bratami mienšymi» ŭ samoj Šviejcaryi, ale i ŭvoz u krainu pradukcyi, vyrablenaj pry dapamozie takich ekśpierymientaŭ, ź inšych krain.
Refierendum byŭ inicyjavany hrupaj hramadzian z kantona Sankt-Hałach, jakuju padtrymali kala 80 arhanizacyj. Adnak urad i parłamient Šviejcaryi zaklikali prahałasavać suprać hetaj inicyjatyvy.
Niehatyŭnaje staŭleńnie da jaje vykazali taksama navukovyja koły. Jany vykazali aściarohu, što
ŭ vypadku ŭviadzieńnia zabarony na dośledy nad žyviołami ciažka budzie raspracoŭvać novyja miedycynskija preparaty, a šerah patrebnych ludziam lekaŭ nielha budzie zavieźci ŭ Šviejcaryju.
«Varta škadavańnia toje, što Šviejcaryja nie stała pieršaj dziaržavaj, jakaja zabaraniła ekśpierymienty nad žyviołami, - zajaviŭ, kamientujučy vyniki hałasavańnia, sustaršynia kamiteta, jaki inicyjavaŭ refierendum, Renata Vierndli. — Nie razumieju, čamu ludzi nie prajavili bolš spahady ŭ adnosinach da žyvioł, jakija praciahvajuć pakutavać», — reziumavaŭ jon.
Akramia hetaha pytańnia, na refierendumie było jašče i try inšych, i na dva ź ich byli taksama atrymanyja admoŭnyja adkazy. Tak, šviejcarcy adchilili zakon, jaki praduhledžvaje pašyreńnie finansavaj dapamohi ŚMI z boku dziaržavy, a taksama adkinuli papraŭki ŭ zakanadaŭstva, skiravanyja na źmianšeńnie padatkovaj nahruzki na bujnyja kampanii z dapamohaj admieny emisijnaha padatku.
Tolki inicyjatyva ab zabaronie rekłamy tytuniu ŭ metach abarony dziaciej i moładzi atrymała adabreńnie. Jaje padtrymali 56,6% hramadzian.
Kamientary