Košt naboru tavaraŭ da škoły moža pieravysić miljon rubloŭ.
Košt naboru tavaraŭ da škoły (adzieńnie, abutak, kancylarskija pryłady) dla staršakłaśnika hetym hodam składaje ad 244 da 988 tys. rubloŭ, dla staršakłaśnicy — ad 214 tys. da krychu bolš za miljon rubloŭ.
Pra heta paviedamiła načalnik upraŭleńnia arhanizacyi spažyvieckaha rynku niecharčovych tavaraŭ Ministerstva handlu Nina Paško 11 žniŭnia na pres‑kanfierencyi ŭ Minsku.
Pavodle jaje słoŭ, kab ekipiravać da škoły vučnia małodšych kłasaŭ, treba budzie zraschodavać ad 175 da 747 tys. rubloŭ, vučanicy małodšych kłasaŭ — ad 182 da 740 tys. rubloŭ. U hetuju sumu nie ŭvachodzić košt trykatažnych vyrabaŭ — džempieraŭ, śviteraŭ, kamplektaŭ bializny, fufajek, kałhotak. Hetyja tavary dla vučnia małodšych kłasaŭ buduć kaštavać ad 16 da 83 tys. rubloŭ, dla vučanicy małodšych kłasaŭ — ad 20 da 126 tys. rubloŭ, dla staršakłaśnika — ad 24 da 105 tys. rubloŭ, dla staršakłaśnicy — ad 22 da 143 tys. rubloŭ.
Jak zajaviła Nina Paško, kab pakupniki z roznym uzroŭniem dachodaŭ mahli padrychtavać dziaciej da škoły, u šerahu handlovych arhanizacyj praduhledžany prodaž tavaraŭ dla školnikaŭ u kredyt abo sa skidkami.
Tak, pavodle jaje słoŭ, prodaž tavaraŭ školnaha asartymientu ŭ kredyt ažyćciaŭlaje staličny HUM. Pry nabyćci takich tavaraŭ na 350 tys. rubloŭ i bolš pakupnik moža atrymać biespracentny kredyt terminam ad troch da šaści miesiacaŭ ź pieršapačatkovym uznosam 10% ad koštu pakupki. Pry afarmleńni kredytu na dzieviać miesiacaŭ płata za karystańnie składaje 12% hadavych ź pieršapačatkovym uznosam 20% ad koštu pakupki. Handlovy dom «Na Niamizie» z 1 lipienia na 15% źniziŭ roźničnyja ceny na tavary školnaha asartymientu vytvorčaści pradpryjemstvaŭ kancerna «Biellehpram». Va univiermahu «Biełaruś» pry prodažy školnaha adzieńnia praduhledžana skidka 15% na asobnyja madeli. Handlovy dom «Nioman» u Hrodnie pry prodažy tavaraŭ dla školnikaŭ daje biespracentny kredyt z rasterminoŭkaj płaciažu na try miesiacy. Padobnyja akcyi pravodziać i inšyja kramy krainy.
Jak śćviardžaje pradstaŭnik Minhandlu, niahledziačy na kryzis, źmien u popycie na školnyja tavary nie zaŭvažana i ŭ dalejšym nie prahnazujecca.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj11
Kamientary