Кошт набору тавараў да школы можа перавысіць мільён рублёў.
Кошт набору тавараў да школы (адзенне, абутак, канцылярскія прылады) для старшакласніка гэтым годам складае ад 244 да 988 тыс. рублёў, для старшакласніцы — ад 214 тыс. да крыху больш за мільён рублёў.
Пра гэта паведаміла начальнік упраўлення арганізацыі спажывецкага рынку нехарчовых тавараў Міністэрства гандлю Ніна Пашко 11 жніўня на прэс‑канферэнцыі ў Мінску.
Паводле яе слоў, каб экіпіраваць да школы вучня малодшых класаў, трэба будзе зрасходаваць ад 175 да 747 тыс. рублёў, вучаніцы малодшых класаў — ад 182 да 740 тыс. рублёў. У гэтую суму не ўваходзіць кошт трыкатажных вырабаў — джэмпераў, світэраў, камплектаў бялізны, фуфаек, калготак. Гэтыя тавары для вучня малодшых класаў будуць каштаваць ад 16 да 83 тыс. рублёў, для вучаніцы малодшых класаў — ад 20 да 126 тыс. рублёў, для старшакласніка — ад 24 да 105 тыс. рублёў, для старшакласніцы — ад 22 да 143 тыс. рублёў.
Як заявіла Ніна Пашко, каб пакупнікі з розным узроўнем даходаў маглі падрыхтаваць дзяцей да школы, у шэрагу гандлёвых арганізацый прадугледжаны продаж тавараў для школьнікаў у крэдыт або са скідкамі.
Так, паводле яе слоў, продаж тавараў школьнага асартыменту ў крэдыт ажыццяўляе сталічны ГУМ. Пры набыцці такіх тавараў на 350 тыс. рублёў і больш пакупнік можа атрымаць беспрацэнтны крэдыт тэрмінам ад трох да шасці месяцаў з першапачатковым узносам 10% ад кошту пакупкі. Пры афармленні крэдыту на дзевяць месяцаў плата за карыстанне складае 12% гадавых з першапачатковым узносам 20% ад кошту пакупкі. Гандлёвы дом «На Нямізе» з 1 ліпеня на 15% знізіў рознічныя цэны на тавары школьнага асартыменту вытворчасці прадпрыемстваў канцэрна «Беллегпрам». Ва універмагу «Беларусь» пры продажы школьнага адзення прадугледжана скідка 15% на асобныя мадэлі. Гандлёвы дом «Нёман» у Гродне пры продажы тавараў для школьнікаў дае беспрацэнтны крэдыт з растэрміноўкай плацяжу на тры месяцы. Падобныя акцыі праводзяць і іншыя крамы краіны.
Як сцвярджае прадстаўнік Мінгандлю, нягледзячы на крызіс, змен у попыце на школьныя тавары не заўважана і ў далейшым не прагназуецца.
Дзядок расказаў, як паводзіў бы сябе ў сённяшняй Беларусі і што будзе далей5
Каментары