Pazbavili licenzii advakatku Juliju Jurhilevič. Jana abaraniała Alesia Puškina i Ihara Bancara
Juliju Jurhilevič vyklučyli z kalehii advakataŭ Hrodna 23 lutaha. Jana pracavała advakatkaj 18 hadoŭ. Rada kalehii pastanaviła zvolnić Jurhilevič «za nieprafiesijanalizm», choć za ŭsie papiarednija hady pretenzij da jaje pracy nie było, piša «Radyjo Svaboda».
Jurhilevič abaraniała niekatorych palitviaźniaŭ: mastaka Alesia Puškina, studenta-chimika Arcioma Bajarskaha, muzyku Ihara Bancara i inšych.
Adnoj z apošnich klijentak Jurhilevič była 69-hadovaja žycharka Vaŭkavyska Halina Michalčuk, jakoj dali 2,5 hoda kałonii ahulnaha režymu za kamientaryi ŭ Telehramie. Padčas sprečak na hetym sudzie Jurhilevič siarod inšaha skazała:
«Viadoma, vysoki sud, ja b vielmi chacieła ŭbačyć hetych asobaŭ (paciarpiełych milicyjantaŭ) na sudovym pasiadžeńni pa adnoj pryčynie: chaciełasia b mnie pahladzieć im u vočy. Jak jany vykonvali svaje słužbovyja abaviazki, jak jany vychodzili na vulicu, jak jany vychodzili ŭ formiennym abmundziravańni, jak jany ažyćciaŭlali patrul vulic u tyja ciažkija dla ich dni?
I jak jany, takija mužnyja ludzi, jakija ažyćciaŭlali achovu našaj dziaržavy ŭ taki niespakojny čas, mahli ciapier pieražyć takija maralnyja pakuty na 1000 biełaruskich rubloŭ, jakija jany prosiać spahnać ź piensijanierki, jakaja atrymlivaje 538 rubloŭ piensii?»
Vyklučeńnie z advakackaj kalehii aznačaje pazbaŭleńnie advakackaj licenzii i zabaronu na pracu, bo ŭ Biełarusi niemahčymaja advakackaja dziejnaść pa-za dziaržaŭnymi advakackimi kalehijami.
Kamientary