«Ukraina — heta vaš Afhanistan». Padčas vajny va Ukrainie zabili pieršaha rasijskaha hienierała
Daradca kiraŭnika MUS Ukrainy Anton Hieraščanka paviedamiŭ ab źniščeńni na terytoryi Čarnihaŭskaj vobłaści «pieršaha rasijskaha hienierała-akupanta» z času maštabnaha ŭvarvańnia Rasii va Ukrainu 24 lutaha.
«Spadary hienierały, dakładvajcie navierch, što ŭvarvańnie va Ukrainu — heta kryvavaja avantura, jakaja zahubić Rasiju, kali jaje nie spynić nieadkładna! Ukraina — heta vaš Afhanistan. Tolki dziesiać hadoŭ da razvału Rasii čakać nie daviadziecca! Układziemsia za miesiac! — napisaŭ u Fejsbuku Anton Hieraščanka.
Pra toje, što namieśnik kamandujučaha 41-j ahulnavajskovaj armijaj Centralnaj vajskovaj akruhi Rasii hienierał-major Andrej Suchaviecki byŭ zabity padčas vajny z Ukrainaj, paviedamlaŭ u Telegram, nie nazvaŭšy krynicy, vajenny karespandent rasijskaj «Komsomolskoj pravdy» Alaksandr Koc.
47-hadovy Suchaviecki byŭ pryznačany namieśnikam kamandujučaha armijaj uvosień 2021 hoda. Da hetaha jon try hady kamandavaŭ 7-j desantna-šturmavoj dyvizijaj u Navarasijsku. Skončyŭ Razanskuju vyšejšuju pavietrana-desantnuju kamandnuju vučelniu, Vajskovuju akademiju imia Frunze i Akademiju Hienieralnaha štaba.
Udzielničaŭ u bajavych dziejańniach na Paŭnočnym Kaŭkazie, u Abchazii, Siryi, byŭ uznaharodžany za ŭdzieł u anieksii Rasijaj Kryma, paviedamlaje «Svaboda».
-
Za nibyta chaatyčnaj stratehijaj Trampa staić chitry raźlik. Voś čym heta pahražaje inšym narodam
-
Estonski kinołah raskazaŭ, jak jaho sabaka šukaŭ źnikłaha amierykanskaha sałdata na palihonie ŭ Padbrodździ i vydatna spraviŭsia
-
Pieršyja masavyja pratesty ŭ ZŠA paśla viartańnia Trampa ŭ Bieły dom. Sam jon hulaje ŭ holf
Ciapier čytajuć
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie20
Kamientary