Rasijski aktyvist sprabavaŭ padać u sud na słužbovych asob z-za situacyi va Ukrainie
Viarchoŭny sud Rasii admoviŭ aktyvistu Mikałaju Šypiłavu ŭ pryniaćci jaho isku ab niezakonnaści praviadzieńnia «śpiecyjalnaj vajskovaj apieracyi» va Ukrainie.
Sudździa Viačasłaŭ Kiryłaŭ paličyŭ, što apieracyja nijak nie parušaje pravy istca, u suviazi z čym jon nie moža asprečvać jaje praviadzieńnie.
Nahadajem, u isku Šypiłaŭ pakazvaŭ, što dziejańni Minabarony abmiežavali jaho prava na pieramiaščeńnie (zakryćcio avijazłučeńnia jak unutry, tak i pa-za Rasijaj), na svabodu sumleńnia (faktyčnaje ŭviadzieńnie vajennaj cenzury) i prava na ŭkazańnie svajoj nacyjanalnaj prynaležnaści (z-za rostu niepryjaznaści da ruskich u śviecie).
Akramia taho, u pastanovie havorycca, što iskavaja zajava padadzienaja ŭ častcy pytańniaŭ źniešniaj palityki, choć u isku skazana ab niezakonnaści dziejańniaŭ rasijskaha orhana z pazicyi rasijskaha zakanadaŭstva.
Kamientary