«Na narmalny adpačynak spatrebicca kala 2000 dalaraŭ». Jakija pucioŭki prapanujuć biełaruskija turfirmy
Užo treci siezon biełarusam niedastupny šerah zvykłych kirunkaŭ dla adpačynku. Spačatku hetamu zaminaŭ kavid, paźniej dadalisia sankcyi i abmiežavańni na vyjezd z krainy, a ciapier jašče i vajna va Ukrainie. Pacikavilisia, kudy biełarusy mohuć adpravicca ŭ adpačynak i kolki heta kaštuje.
Rychtujciesia da praciahłych pieralotaŭ
Kali vy źbirajeciesia ŭ adpačynak naprykancy krasavika — na pačatku maja i pry hetym chočacie kupacca ŭ ciopłym mory, to vybirać daviadziecca pamiž Turcyjaj, Jehiptam i AAE. Z nadychodam leta da hetaha śpisu dałučacca Hruzija i Rasija. Ale z ulikam taho, što ŭ letni pieryjad u Jehipcie i AAE nadta śpiakotna, to vybar znoŭ zvuzicca da troch krain.
Admietnaja rysa adpačynku-2022 — čas pieralotu, jaki značna pavialičyŭsia.
U biahučych abstavinach pieralot pa mašrucie Minsk — Turcyja zajmaje 6-7 hadzin. Prykładna stolki ž daviadziecca lacieć da AAE. Šlach da Jehipta zojmie kala 10 hadzin.
Pieršaja linija — ad 3000 dalaraŭ
Minimalny košt adpačynku ŭ Turcyi dla dvuch darosłych z adnym dziciem składaje 1350 dalaraŭ. Stolki daviadziecca zapłacić za 9 načej u trochzorkavym hateli biez charčavańnia.
Za 1370 dalaraŭ možna nabyć tur u AAE na vosiem načej sa śniadankami.
Za amal 2500 dalaraŭ turfirmy prapanujuć pucioŭku na 8 načej u AAE z pražyvańniem u čatyrochzorkavym hateli pa prahramie «all inclusive». Kali razhladać pieršuju liniju, to košt pucioŭki ŭ AAE ŭzraście da 3000-3200 dalaraŭ.
Značna tańniej budzie kaštavać adpačynak na 9 načej u tureckim horadzie Side. Naprykład, za pražyvańnie ŭ piacizorkavym hateli pa prahramie «all inclusive» daviadziecca zapłacić 2640 dalaraŭ.
U zaležnaści ad łakacyi i «zornaści» hatela 9-dzionny adpačynak «all inclusive» ŭ Turcyi dla siamji z troch čałaviek abychodzicca ŭ sumu ad 2450 da 2800 dalaraŭ.
Niečakana darahim akazaŭsia Jehipiet. U adroźnieńnie ad Turcyi i AAE košt na adpačynak dla dvuch darosłych i adnaho dziciaci da 10 hod pačynajecca ad 2700 dalaraŭ za 10 dzion.
Praz davoli vysoki košt adpačynku i praciahły pieralot, siemjam ź dziećmi turahienty rajać pryhladacca da Turcyi. Na ich dumku, hetaja kraina źjaŭlajecca aptymalnym varyjantam u suadnosinach cany i jakaści. Aproč hetaha, pieralot adnosna chutki.
Usie ryzyki zastajucca na vas
Uładalniki šenhienskich viz mohuć raźličvać na adpačynak u Jeŭropie z vyletam praz Varšavu ci Vilniu. Adnak daloka nie ŭsie biełaruskija turfirmy ciapier prapanujuć takija varyjanty. Jany spasyłajucca na adsutnaść harantyj taho, što miežy znoŭ nie začyniać, tamu ŭsie mahčymyja ryzyki zastajucca na vas.
Da taho ž, kali razhladać mienavita plažny adpačynak, to najbližejšym časam kamfortnaja pa tempieratury vada budzie tolki na paŭdniovym uźbiarežžy Ispanii. Pa košcie ispanski adpačynak budzie nie daražejšym za Turcyju ci AAE.
U Jeŭropu tolki na aŭtobusie
Što tyčycca aŭtobusnych turaŭ u Jeŭropu, to pakul daloka nie ŭsie turfirmy adnavili pracu ŭ hetym kirunku. Jość ahienctvy, jakija prapanujuć siamidzionnyja tury ŭ Italiju. A taksama tury z naviedvańniem Vieny i Budapiešta. Praciahłaś ekskursii — 5 dzion.
Pucioŭka ŭ Italiju kaštuje 250 jeŭra, plus 50-60 rubloŭ za turystyčnyja pasłuhi. Viena-Budapiešt — 175 jeŭra. Kali ŭ vas niama dziejnaj vizy, to daviadziecca dadać jašče 35 jeŭra za konsulski zbor i 25 jeŭra za pasłuhi vizavaha centra. Atrymać vizu možna prakładna za miesiac.
U niekatorych ahienctvach volnyja miescy na tury zastalisia tolki na pačatak červienia. Inšyja jašče majuć miescy ŭ mai. Aŭtobusnyja tury pa Jeŭropie z adpačynkam na mory pakul nie prapanujuć.
U najhoršym stanoviščy apynulisia biudžetnyja turysty
Ahułam pra situacyju na pačatku turystyčnaha siezonu-2022 «Našaj Nivie» raspaviała supracoŭnica adnoj z bujnych staličnych turfirm.
Pa jaje słovach, apošnim časam biełarusy stali aktyŭna cikavicca plažnym adpačynkam.
«Ciapier dastupnyja čatyry napramki: Turcyja, Jehipiet, AAE, Hruzija. Ludzi chočuć lacieć ŭ adpačynak, ale branirujuć tolki najbližejšyja daty. Rańniaha braniravańnia ciapier nichto nie robić, bo, pakul idzie vajna, situacyja źjaŭlajecca niepradkazalnaj. Ludzi aścierahajucca niavyznačannaści. Najbolš vyhadnyja prapanovy — heta Turcyja. Možna znajści šmat varyjantaŭ na troch čałaviek pa košcie da 1400 dalaraŭ, ale kali my kažam pra narmalny adpačynak u Turcyi, to treba raźličvać na summu ad 2000 dalaraŭ», — adznačyła śpiecyjalistka.
Havoračy pra trendy adpačynku hetaha siezona, turahientka adznačaje, što sioleta ŭ najhoršym stanoviščy apynulisia biudžetnyja turysty.
«Navat niahledziačy na abmiežavańni pa vyjeździe ź Biełarusi, jakija dziejničali letaś, usio adno zastavałasia mahčymaść pajechać na mora va Ukrainu. Ciapier, naturalna, takoj mahčymaści niama».
Amierykanka raskazała, jak vykładała va ŭniviersitecie ŭ Viciebsku i navat dała paru ŭrokaŭ milicyi4
Kamientary