Valfovič: Mahčymyja «ŭzbrojenyja pravakacyi suprać Biełarusi» na Rovienskim kirunku
Dziaržaŭny sakratar Rady Biaśpieki Respubliki Biełaruś Alaksandr Valfovič u intervju «SB» zajaviŭ, što na fonie nastupu rasijskich vojskaŭ mahčymyja pravakacyi suprać Biełarusi, u tym liku, uzbrojenyja. Meta — «uciahvańnie Biełarusi ŭ kanflikt».
«U ramkach analizu chodu praviadzieńnia śpiecyjalnaj vajennaj apieracyi asobnaj uvahi z punktu hledžańnia acenki ryzyk i vyklikaŭ biaśpiecy našaj krainy ŭ vajennaj śfiery zasłuhoŭvaje pryniaćcie Ukrainaj dadatkovych mier pa ŭmacavańni ŭkrainska-biełaruskaha ŭčastka hranicy. Nielha vyklučać, što abstanoŭka na Rovienskim kirunku moža być vykarystanaja z padačy tak zvanych zachodnich partnioraŭ dla realizacyi roznych, u tym liku ŭzbrojenych, pravakacyj užo ŭ našym pryhraniččy z metaj uciahvańnia Biełarusi ŭ kanflikt», — skazaŭ Valfovič.
Valfovič nie vyklučaje mahčymaha prymianieńnia vajennaj siły Zachadam suprać biełaruskaj dziaržavy. «Ale sistema zabieśpiačeńnia nacyjanalnaj biaśpieki hatovaja da takoha raźvićcia padziej», — zapeŭnivaje jon.
- Rasija napała na Ukrainu 24 lutaha, u tym liku z terytoryi Biełarusi. Hetaje hrubaje parušeńnie mižnarodnaha prava było asudžanaje Hienieralnaj asamblejaj AAN 140 hałasami suprać piaci, siarod hetych piaci i Biełaruś.
- U vyniku ahresii zahinuli ŭžo dziasiatki tysiač vajskoŭcaŭ z abodvuch bakoŭ, a taksama mirnych žycharoŭ. Na akupavanych terytoryjach adbyvajucca sapraŭdnyja źvierstvy, ich maštab staŭ viadomy paśla razhromu rasijskich vojskaŭ pad Kijevam.
- Zhodna ź mižnarodnym pravam, Biełaruś ličycca saŭdzielnicaj ahresii, bo pradastaviła svaju terytoryju dla viadzieńnia vajny.
- Rasijskija vojski prybyli na terytoryju Biełarusi ŭ studzieni-lutym nibyta dla praviadzieńnia vučeńniaŭ, ale, jak vyjaviłasia, płanavaŭsia zachop Ukrainy.
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy1
Kamientary