Вальфовіч: Магчымыя «ўзброеныя правакацыі супраць Беларусі» на Ровенскім кірунку
Дзяржаўны сакратар Рады Бяспекі Рэспублікі Беларусь Аляксандр Вальфовіч у інтэрв’ю «СБ» заявіў, што на фоне наступу расійскіх войскаў магчымыя правакацыі супраць Беларусі, у тым ліку, узброеныя. Мэта — «уцягванне Беларусі ў канфлікт».
«У рамках аналізу ходу правядзення спецыяльнай ваеннай аперацыі асобнай увагі з пункту гледжання ацэнкі рызык і выклікаў бяспецы нашай краіны ў ваеннай сферы заслугоўвае прыняцце Украінай дадатковых мер па ўмацаванні ўкраінска-беларускага ўчастка граніцы. Нельга выключаць, што абстаноўка на Ровенскім кірунку можа быць выкарыстаная з падачы так званых заходніх партнёраў для рэалізацыі розных, у тым ліку ўзброеных, правакацый ужо ў нашым прыграніччы з мэтай уцягвання Беларусі ў канфлікт», — сказаў Вальфовіч.
Вальфовіч не выключае магчымага прымянення ваеннай сілы Захадам супраць беларускай дзяржавы. «Але сістэма забеспячэння нацыянальнай бяспекі гатовая да такога развіцця падзей», — запэўнівае ён.
- Расія напала на Украіну 24 лютага, у тым ліку з тэрыторыі Беларусі. Гэтае грубае парушэнне міжнароднага права было асуджанае Генеральнай асамблеяй ААН 140 галасамі супраць пяці, сярод гэтых пяці і Беларусь.
- У выніку агрэсіі загінулі ўжо дзясяткі тысяч вайскоўцаў з абодвух бакоў, а таксама мірных жыхароў. На акупаваных тэрыторыях адбываюцца сапраўдныя зверствы, іх маштаб стаў вядомы пасля разгрому расійскіх войскаў пад Кіевам.
- Згодна з міжнародным правам, Беларусь лічыцца саўдзельніцай агрэсіі, бо прадаставіла сваю тэрыторыю для вядзення вайны.
- Расійскія войскі прыбылі на тэрыторыю Беларусі ў студзені-лютым нібыта для правядзення вучэнняў, але, як выявілася, планаваўся захоп Украіны.
Цяпер чытаюць
«Я не прадугледзела толькі аднаго: што менавіта гэты кружочак выкарыстаюць супраць мяне». Споведзь Аліны Харысавай пасля скандалу з КДБ8
Каментары