Siońnia, 26 lipienia, u 22 hadziny 43 chviliny planujecca zapusk pieršaha biełaruskaha štučnaha spadarožnika Ziamli «BiełKA» na kasmadromie Bajkanur. U hetaj cyrymonii planuje ŭziać udzieł kiraŭnik Biełarusi Alaksandar Łukašenka.
Siońnia, 26 lipienia, u 22 hadziny 43 chviliny planujecca zapusk pieršaha biełaruskaha štučnaha spadarožnika Ziamli «BiełKA» na kasmadromie Bajkanur. U hetaj cyrymonii planuje ŭziać udzieł kiraŭnik Biełarusi Alaksandar Łukašenka.
Zapusk spadarožnika «BiełKA», jaki kaštuje kala 10 miljonaŭ dalaraŭ, niekalki razoŭ adkładaŭsia. Apošni raz jaho mierkavali zapuścić 28 červienia, adnak padčas pravierak systemy kiravańnia rasiejskaj rakiety-nośbita byli vyjaŭleny niepaładki ŭ ličbavym vyličalnym kompleksie. U vyniku admysłoŭcy vyrašyli pravieści novy poŭny cykl pravierak. U Instytucie abjadnanych prablemaŭ infarmatyki Nacyjanalnaj akademii navuk nijakaj infarmacyi pra zapusk spadarožnika «BiełKA» nie padali i skazali, što delehacyja nakiravałasia ŭ Bajkanur. Padčas svajho vystupu na tak zvanym Usiebiełaruskim schodzie lotčyk-kasmanaŭt Piotr Klimuk nazvaŭ kaśmičny prajekt važnym, prafesijnym kłopatam.
(Klimuk: ) «Spadarožnik pa svaich taktyka-techničnych, technalahičnych charaktarystykach uvachodzić u dziasiatku lepšych suśvietnych analahaŭ. Jaho zapusk stanie taksama jarkaj, imidžavaj padziejaj i abjektyŭna ŭniasie Biełaruś u prestyžny śpis kaśmičnych dziaržavaŭ».
«BiełKA» stvorana rasiejskaj rakietna-kaśmičnaj karparacyjaj «Enerhija» na zamovu Nacyjanalnaj akademii navuk i budzie pravodzić hieadezičnyja, kartahrafičnyja i metearalahičnyja daśledavańni.
Dla Biełarusi heta druhaja pa liku kaśmičnaja prahrama. Vynikam pieršaj stała stvareńnie Centru pryjomu kaśmičnaj infarmacyi, a taksama raspracoŭka dla kasmadromu «Bajkanur» prystasavańnia dziela vyznačeńnia trajektoryi adchileńnia rakiety pry ŭźlocie. Asnoŭnym plonam ciapierašniaj prahramy, jakaja budzie doŭžycca da 2007 hodu, musić stać pieradača i apracoŭka infarmacyi sa spadarožnika «BiełKA».
Ale ci patrebny Biełarusi spadarožnik i ci varta joj stanavicca kaśmičnaj dziaržavaj? Akademik Alaksandar Vajtovič miarkuje, što biełaruski bok z dapamohaj «BiełKI» miarkuje dałučycca da rasiejskaj vajskovaj systemy sačeńnia i stvaryć niejki imidž.
(Vajtovič: ) « Nam taki spadarožnik nie patrebny. Jon amal ničoha nie daje Biełarusi. Kab sfatahrafavać Biełaruś, treba 180 dzion ci što i tamu ŭ sielskaj haspadarcy heta nijaki nie pamočnik. MNS taksama nia vielmi patrebna, bo heta nie aperatyŭna zusim budzie. Zastajecca mapu zrabić z kaśmičnych zdymkaŭ. Nam nia treba hetyja kaśmičnyja zdymki asabliva. Možna kupić tanna, kali ŭźnikaje niejkaje hiealahičnaje pytańnie. Nam nia treba takija vialikija hrošy tracić. Heta nia toj napramak, dzie my možam atrymać niejkija dyvidendy i nam nia treba siońnia heta rabić».
U ministerstvie zamiežnych spraŭ Kazachstanu skazali, što kiraŭnik Biełarusi pryjedzie zapuskać spadarožnik, ale pakul niama nijakaj infarmacyi pra mahčymyja sustrečy z kiraŭnictvam Kazachstanu.
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było1
Kamientary