Deputat Dziarždumy RF Vital Miłonaŭ staŭ suviadučym šou «Ja nie hiej»
Deputat Dziarždumy Vital Miłonaŭ staŭ suviadučym šou «Ja nie hiej». Pieršy vypusk šou, zapuščanaha błohieram Amiranam Sardaravym, apublikavany na YouTube-kanale «Dziońnik chača».
Udzielnikaŭ šou — vaśmiarych mužčyn — pasialili ŭ zaharadny dom. Žyvučy razam, jany pavinny vyśvietlić, chto ź ich hiej. Dla hetaha ŭdzielnikam treba budzie prachodzić vyprabavańni, naprykład, macać azadki mužčyn i žančyn, samim chadzić u kupalnikach.
Pieramožca atrymaje 2 młn rubloŭ. Adnak kali pradstaŭnika ŁHBT-supolnaści nie vyličać, hetyja hrošy atrymaje jon. Jašče adnoj uznaharodaj źjaŭlajecca fihurka Miłonava.
Deputat Dziarždumy Vital Miłonaŭ viadomy svaimi skandalnymi vykazvańniami, u tym liku i pra hiejaŭ.
Tak, naprykład, jon prapanoŭvaŭ sterylizavać hiejaŭ i trymać ich u prytułkach, jak kotak. «Hiei — heta samaja nizkaja stadyja raźvićcia žyviolnaha śvietu», — kazaŭ jon.
U listapadzie 2021 hoda Miłonaŭ pryjechaŭ na biełaruska-polskuju miažu da mihrantaŭ. Tam jon niečakana źviarnuŭsia da polskich pamiežnikaŭ z pahrozami, što ŭ ES ich prymusiać «pryznać hamasiekaŭ i adnapołyja šluby».
Ciapier Miłonaŭ samarealizoŭvajecca, nazirajučy za seksualnymi konkursami siarod mužčyn. Što dumajuć nakont takoj roli jaho vybarcy, nieviadoma. Ale hamafobnaść rasijskaha hramadstva, vidać, taksama pierabolšana rasijskaj prapahandaj: za sutki rolik nabraŭ paŭmiljona prahladaŭ.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku29
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary