Дэпутат Дзярждумы РФ Віталь Мілонаў стаў сувядучым шоу «Я не гей»
Дэпутат Дзярждумы Віталь Мілонаў стаў сувядучым шоу «Я не гей». Першы выпуск шоу, запушчанага блогерам Аміранам Сардаравым, апублікаваны на YouTube-канале «Дзённік хача».
Удзельнікаў шоу — васьмярых мужчын — пасялілі ў загарадны дом. Жывучы разам, яны павінны высветліць, хто з іх гей. Для гэтага ўдзельнікам трэба будзе праходзіць выпрабаванні, напрыклад, мацаць азадкі мужчын і жанчын, самім хадзіць у купальніках.
Пераможца атрымае 2 млн рублёў. Аднак калі прадстаўніка ЛГБТ-супольнасці не вылічаць, гэтыя грошы атрымае ён. Яшчэ адной узнагародай з’яўляецца фігурка Мілонава.
Дэпутат Дзярждумы Віталь Мілонаў вядомы сваімі скандальнымі выказваннямі, у тым ліку і пра геяў.
Так, напрыклад, ён прапаноўваў стэрылізаваць геяў і трымаць іх у прытулках, як котак. «Геі — гэта самая нізкая стадыя развіцця жывёльнага свету», — казаў ён.
У лістападзе 2021 года Мілонаў прыехаў на беларуска-польскую мяжу да мігрантаў. Там ён нечакана звярнуўся да польскіх памежнікаў з пагрозамі, што ў ЕС іх прымусяць «прызнаць гамасекаў і аднаполыя шлюбы».
Цяпер Мілонаў самарэалізоўваецца, назіраючы за сэксуальнымі конкурсамі сярод мужчын. Што думаюць наконт такой ролі яго выбарцы, невядома. Але гамафобнасць расійскага грамадства, відаць, таксама перабольшана расійскай прапагандай: за суткі ролік набраў паўмільёна праглядаў.
-
«Гэта не маё, гэта сябра». Беларус здымае рэакцыю ахоўнікаў метро на фалаімітатары ў заплечніку — відэа збіраюць мільёны праглядаў
-
Сем тыпаў «п’янай асобы»: кім вы становіцеся пад уздзеяннем алкаголю і што гэта азначае?
-
У Сан-Францыска жыве кот, якога завуць Беларусь. Прытым гаспадыня яго — звычайная амерыканка
Каментары