Jak i pieršy vizit brytanskaha premjera, hety papiarednie nie anansavaŭsia. Uładzimir Zialenski i ŭkrainski ŭrad, jak paviedamlajecca, abmierkavali pastaŭki ciažkaj zbroi i sistem SPA, ekanamičnuju padtrymku Ukrainy, uzmacnieńnie sankcyjnaha cisku na Rasiju, a taksama harantyi biaśpieki, piša «Ukrainskaja praŭda».
Kiraŭnik Ofisa prezidenta Ukrainy Andrej Jarmak paviedamiŭ pa vynikach sustrečy:
«My abmierkavali z Borysam Džonsanam nieabchodnaść pastavak ciažkaj zbroi i sistem SPA, ekanamičnuju padtrymku Ukrainy, uzmacnieńnie sankcyjnaha cisku na Rasiju, u pryvatnaści, prapanovy mižnarodnaj hrupy Makfoła-Jermaka, a taksama harantyi biaśpieki dla Ukrainy i nieabchodnaść kampiensacyi Rasiejaj naniesienaj škody našaj dziaržavie. I, viadoma, našu pieramohu ŭ vajnie za niezaležnaść».
Sam Zialenski zajaviŭ, što jany z Džonsanam majuć «ahulny pohlad na toje, jak ruchacca da pieramohi Ukrainy». Pieramovy, pa jahonych słovam, byli, «jak zaŭždy, maksimalna ščyrymi i pradmietnymi». Jon padziakavaŭ premjeru Brytanii za mahutnuju padtrymku.
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary