Arastovič: Kab źniščyć Krymski most, tudy treba nanosić taktyčny jadzierny ŭdar
Daradca kiraŭnika Ofisa prezidenta Ukrainy Alaksiej Arastovič daŭ vialikaje intervju viadomamu ŭkrainskamu žurnalistu Dźmitryju Hardonu, u jakim vykazaŭsia pa mnohich važnych pytańniach: kolkaści zabitych i paranienych bajcoŭ USU, baraćby za Chierson i mahčymuju ataku na Charkaŭ, a taksama pierśpiektyvy razbureńnia Krymskaha mosta.
Adnosna kolkaści zabitych ukraincaŭ Arastovič paŭtaryŭ ličbu, užo nazvanuju im 11 červienia ŭ prahramie Marka Fiejhina:
«Pryblizna pad 10 tysiač zabitymi. Paranienymi prykładna adzin da troch, heta značyć kala 30 tysiač, ale treba razumieć, što 96-98% paranienych viartajuć nazad u vojska. To-bok heta nie tyja paranienyja, jakija invalidami zastajucca nazaŭsiody».
Taksama jon papiaredziŭ pra toje, što ŭ niekalki najbližejšych dzion treba čakać intensifikacyi vajennych dziejańniaŭ. Papiaredziŭ pra niebiaśpieku žycharoŭ Charkava, nie vyklučyŭ mahčymaści druhoj bitvy za horad i paraiŭ vyvieźci ź jaho dziaciej. Zrešty, u toje, što rasijanie mohuć uziać Charkaŭ, jon nie vieryć, ličyć heta nierealnym. Ale nastupleńnie na hety horad moža być sprobaj adciahnuć uvahu ad Iziumskaha i Łuhanskaha kirunkaŭ.
Kranuŭsia Arastovič i pierśpiektyŭ nastupleńnia na Chiersonščynie. Jon paviedamiŭ, što pry vyzvaleńni Chiersona akupantaŭ, jakija tam žyvuć, buduć rasstrelvać Heta tyčycca tych, chto «nie zdymiecca i sydzie, a naadvarot, pryciahnuŭ svaje siemji ŭ pustyja kvatery čužych ludziej». Pry hetym jon adznačyŭ, što USU nibyta znachodziacca za 15-18 km ad Chiersona. Horad, maŭlaŭ, užo vidać ź binokla.
Što da pierśpiektyŭ razbureńnia Krymskaha mosta, anansavanaha apošnim časam, to jon nie ličyć hetuju spravu prostaj:
«Pa-pieršaje, da Krymskaha mosta nie dabjuć navat amierykanskija haŭbicy HIMARS pry ciapierašnich abrysach pola boju.
Pa-druhoje, źniščyć Krymski most — heta vielmi składanaja techničnaja zadača … Jon tak zrobleny, što tudy taktyčny jadzierny udar treba nanosić, kab jaho abrynuć, bo navat prylot piaci ton vybuchoŭki hetuju aporu nie razburyć da kanca.
A što tyčycca pałatna — jano chutka adnaŭlajecca». Taksama jon adznačyŭ, što ŭ most składana trapić.
«Biespardonna hruzić siabie i inšych»: były pamočnik Łukašenki Ihar Bryło biare na siabie vinu ŭ pramysłovych abjomach5
Kamientary