Žychar Vilejščyny na retraaŭtamabili padbiŭ dźvie mašyny kala voziera pad Maładziečnam
Uviečary 26 červienia na voziery kala vioski Krynica Maładziečanskaha rajona 39-hadovy žychar Vilejščyny na staradaŭniaj savieckaj mašynie marki «ŁuAZ» z łahatypam «MAZ» biez dachu paškodziŭ aŭtamabili «Reno Daster» i «Folksvahien Transparcior T4». Miedycynski ahlad pakazaŭ, što jon niećviarozy, a da taho ž nie maje paśviedčańnia kiroŭcy.
Kala 19.00 26 červienia, vykupaŭšysia ŭ voziery kala vioski Krynica, uładalnik dapatopnaj techniki vyjazdžaŭ na joj ź miesca adpačynku. Razvaročvajučysia, jon začapiŭ mašynu «Reno Daster», a kali źbiraŭsia paśla taho ŭciačy ź miesca avaryi, zajechaŭ jašče i ŭ «Falksvahien Transparcior T4». Kiroŭcy hetych aŭtamabilaŭ zatrymali parušalnika i vyklikali supracoŭnikaŭ DAI.
U vyniku avaryi ŭ «Reno» była paškodžanaja levaja častka, u tym liku bampier, a ŭ «Folksvahiena» — levaje zadniaje kryło.
Miedycynski ahlad vyjaviŭ u arhaniźmie parušalnika 2,98 pramile ałkaholu. Sam jon apraŭdvajecca, što ŭžo paśla avaryi z hora vypiŭ 250 hramaŭ harełki. Ale heta da ŭvahi nie pryniata.
U vyniku na parušalnika skłali ažno 5 administracyjnych pratakołaŭ: za stvareńnie avaryjnaj situacyi, za ŭžyvańnie śpirtnoha paśla ŭčynieńnia DTZ, za kiravańnie aŭtamabilem biez paśviedčańnia kiroŭcy, za adsutnaść na ŁuAZie rehistracyjnych numaroŭ, za adsutnaść u aŭtamabila strachoŭki.
Pieršaja vice-mer Minska Nadzieja Łazarevič prajšła praz zatrymańnie, muž zastaŭsia ŭ SIZA7
Kamientary