90% biełaruskich fiermieraŭ pracujuć prybytkova, bolš za pałovu bujnych sielhaspradpryjemstvaŭ stratnyja

Pavodle statystyki, fiermierskija haspadarki pakazvajuć lepšyja finansavyja vyniki ŭ paraŭnańni z bujnymi sielhasarhanizacyjami, ale pry hetym ich dola ŭ ekanomicy krainy minimalnaja. Najefiektyŭniej pracujuć fiermiery Brestčyny.

Bolš za ŭsio fiermierskich haspadarak naličvajecca ŭ Minskaj vobłaści, mienš za ŭsio — u Viciebskaj. Adnak u bresckich fiermieraŭ, choć jany i sastupajuć pa kolkaści minskim, ahulnaja vyručka bolšaja.

Tak, fiermiery Minskaj vobłaści ŭ 2021 hodzie zarabili 245,4 młn rubloŭ, a Bresckaj —— 310 młn. Bresckija fiermiery pracujuć ź lepšymi finansavymi pakazčykami: prybytak Bresckaj vobłaści skłaŭ 76,9 młn rubloŭ, a ŭ Minskaj u dva razy mienš — 39 młn.

Adnak u cełym prybytkova pracujuć amal 90% fiermieraŭ u krainie. U Bresckaj vobłaści rentabielnaść fiermierskich haspadarak składaje 26,8%. Amal takaja ž vysokaja jana i ŭ Mahiloŭskaj vobłaści — 23,7%. Samaja nizkaja efiektyŭnaść na Viciebščynie — 9,8% rentabielnaści.

Charakterna, što mienavita fiermiery Bresckaj vobłaści ŭ paraŭnańni ź inšymi rehijonami bolš karystajucca najomnaj pracaj. Najomnyja rabotniki składajuć 67% pracoŭnaj siły miascovych fiermierskich haspadarak. U paraŭnańni z Brestčynaj hrodzienskija haspadarki ŭ bolšaj stupieni siamiejnyja.

Kali pryvatnyja fiermiery pracujuć z vysokim prybytkam i rentabielnaściu, to bujnyja sielhasarhanizacyi krainy hetym pachvalicca nie mohuć.

Siarod biełaruskich sielhasarhanizacyj stratnymi źjaŭlajucca 55%. U siarednim jany pracujuć ź minimalnaj albo admoŭnaj rentabielnaściu, kali nie ŭličvać dziaržpadtrymku.

Ale, niahledziačy na efiektyŭnaść pryvatnych fiermieraŭ, u sielskaj haspadarcy krainy jany zajmajuć ścipłaje miesca.

U ahulnym abjomie vytvorčaści na ich dolu prypadaje tolki 2,9%. Fiermierskija haspadarki karystajucca ŭsiaho 3,5 pracentami sielhasziemlaŭ. U siarednim na adnu haspadarku prypadaje 95 hiektaraŭ ziamli.

Biełaruskija fiermiery ŭ asnoŭnym adkazvajuć za vyroščvańnie harodniny i bulby — hetyja kultury zajmajuć 43,6% ichniaj vytvorčaści. Taksama jany zabiaśpiečvajuć 15% vytvorčaści voŭny ŭ krainie.

• 29
• 0
• 1
• 3
• 0
• 0
• 1
• 0