«Jeŭraopt», EPAM, «Chienkiel». Ułady Biełarusi zabaranili zamiežnym ułaśnikam pradavać svaje doli i akcyi
Urad Biełarusi vyznačyŭ pieralik kampanij, zamiežnym udzielnikam jakich zabaraniajecca rasparadžacca akcyjami biez dazvołu ŭładaŭ. U śpis uvajšli 190 pradpryjemstvaŭ, adpaviednaja pastanova była źmieščanaja na Nacyjanalnym pravavym partale. Heta reakcyja na namier mnohich zamiežnych kampanij syści ź Biełarusi. U pryvatnaści, taki namier vykazvali «Lidskaje piva» i «Chienkiel».
U pieralik patrapiŭ biźnies, jaki naležyć asobam z zamiežnych dziaržaŭ, «jakija ažyćciaŭlajuć niedružalubnyja dziejańni ŭ dačynieńni da biełaruskich jurydyčnych i (abo) fizičnych asob». Akcyi hetych kampanij błakujucca na rachunkach «depo» ich uładalnikaŭ na padstavie pradpisańnia Ministerstva finansaŭ ab nakładańni abmiežavańniaŭ pa rasparadžeńni kaštoŭnymi papierami.
U śpisie — 190 pradpryjemstvaŭ. Naprykład, u jaho ŭvajšli:
Biełaruska-brytanskaje sumiesnaje pradpryjemstva ZAT «Junison», dola ŭ jakim naležyć J&W Sanderson Limited (Vialikabrytanijai);
ZAT «Jeŭraopt», dola jakoha naležyć TAA «Jeŭrahandal» (Biełaruś), inviestaram jakoj u svaju čarhu źjaŭlajecca publičnaja kampanija z abmiežavanaj adkaznaściu «Jeŭrahandal Chołdynh» (Kipr);
ZTAA «Dana Astra», ułaśnikam 99% akcyj jakoj źjaŭlajecca TAA Triworst Limited (Kipr);
ZTAA «ŁUKOJŁ Biełarusija», dola jakoha naležyć «ŁUKOJŁ Internešnł HmbCh» (Aŭstryja);
AAT «Lidskaje piva», 96,4% akcyj jakoha naležać AAT Olvi (Finlandyja).
ZTAA EPAM Systems, inviestar — EPAM Systems Cyprus Limited (Kipr) i inšyja.
Taksama ŭ śpisie «Spartak», «Kamunarka», «Chienkiel Baŭtechnik», «Remondzis Minsk», «Akvadyŭ», «Hiejm Strym», «Harsija», «Cejs-BiełOma», «Lidsielmaš» dy inšyja.
Hetaja pastanova ŭstupaje ŭ siłu paśla jaje aficyjnaha apublikavańnia.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć11
Kamientary