Usie junaki prachodziać praz etap kanfliktu z baćkami. Hetymi supiarečnaściami skarystałasia BT, kali zdymała film «Małady front. Kindnepinh». Pra svoj dośvied adnosinaŭ z baćkam raskazvaje adna z samych pałymianych aktyvistak arhanizacyi Nasta Pałažanka.
Usie junaki prachodziać praz etap kanfliktu z baćkami. Hetymi supiarečnaściami skarystałasia BT, kali zdymała film «Małady front. Kindnepinh». Pra svoj dośvied adnosinaŭ z baćkam raskazvaje adna z samych pałymianych aktyvistak arhanizacyi Nasta Pałažanka.
«Naša Niva»: Nasta, Vy z baćkam svarylisia praz udzieł u «Maładym Froncie», tak?
Nasta Pałažanka: Vielmi. Baćki pavažajuć vybar svajho dziciaci tady, kali bačać, što heta niešta bolšaje za chobi ci zachapleńnie. Kali bačać upeŭnienaje rašeńnie. U mianie chatnija barykady pačalisia praź niehatyŭnaje staŭleńnie da značkaŭ, jakimi była abviešanaja sumka. Paśla nie padabalisia ściahi i haziety ŭ chacie. A paśla mnie šancavała na zatrymańni i «rekłamu» na telebačańni. Dva hady ja žyła ŭ strachu pierad baćkami: nie daj Boh znoŭ NTV pakaža akcyju, nie daj Boh nie vypuściać ź milicyi biez baćkoŭ (ja na toj momant była niepaŭnaletniaj). Tata vykidvaŭ usie maje znački, niekali vykinuŭ usie listy z kałonii ad Daškieviča. Skandały stali zvyčajnymi ŭ našaj kvatery. Ale ja tryvała. Niejak chapała mnie mudraści razumieć, što kaliści heta pieramienicca. I sapraŭdy. Kali na mianie zaviali kryminalnuju spravu, tata zrazumieŭ, što dačka abrała svoj šlach śviadoma i praściej padtrymać jaje, čym dalej vajavać.
«NN»: Nakolki, uvohule, prablema baćkoŭ i dziaciej aktualnaja dla MF?
NP: Jana aktualnaja dla ŭsiaho śvietu i ŭ lubyja časy. Junak farmujecca ŭ pošuku samoha siabie. I «Małady Front» daje adkaz chłopcu ci dziaŭčynie, daje alternatyvu taho, kim ty možaš stać. Lubyja baćki, nie tolki našy, raŭniva nazirajuć, jak z maleńkaha čałaviečka vyrastaje asoba. Zusim nie takaja, jak ujaŭlałasia. Što da MF, dyk my imkniemsia dapamahać svaim siabram naładžvać adnosiny z baćkami. Časam paśla roznych «kidnepinhaŭ» sustrakajemsia z mamami, kab patłumačyć im, što my dobryja. Padčas svajho farmavańnia małady čałaviek musić sam vyrašyć, ci jon zdolny dakazać baćkam, što ŭžo darosły, ci jašče treba krychu pačakać.
* * *
Małady Front
zarehistravaŭsia jak arhanizacyja biełaruskaj moładzi ŭ Čechii. Viadzie internet-sajt mfront.net.
* * *
Nasta Pałažanka
naradziłasia ŭ Minsku 2 žniŭnia 1990. Jašče školnicaj, u 2007 była pryznanaja vinavataj pa art. 193 KK «Udzieł u niezarehistravanaj arhanizacyi», ale ŭ turmu jaje nie adpravili. Navučajecca ŭ EHU.
-
«Vy viedajecie, što bolšaść biełarusaŭ ličać vas nikčemnymi chałujami?»
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary