U internecie možna znajści šmat rekamiendacyj pra toje, jak dać płastykavym butelkam druhoje žyćcio. Hetyja rekamiendacyi mohuć vyhladać ekałahičnymi, ale ž nasamreč ich vykanańnie moža naškodzić vašamu zdaroŭju.
Leta — samy čas rabić charčovyja zahatoŭki na zimu. Dla ich, da i nie tolki, haspadyni časam biaruć płastykavyja butelki, što ŭžo byli ŭ vykarystańni. Ale ž lepiej tak nie rabić, tłumačyć onet.pl.
Hetuju temu padniała polskaja instahram-błohierka Silvija Paniek, aŭtarka błoha mama.chemik. Jana raić nie vykarystoŭvać płastykavyja butelki dla taho, kab zasolvać u ich ahurki, ale ž dumki polki spraviadlivyja i ŭ vypadku z zachoŭvańniem u płastyku inšych praduktaŭ.
Błohierka tłumačyć, što ideja paŭtorna vykarystać płastykavyja butelki moža zdacca duža ekałahičnaj, bo tak my źmienšym kolkaść śmiećcia. Prablema ŭ tym, što hetyja butelki raźličanyja tolki na adnarazovaje ŭžyvańnie, i kali vykarystoŭvać ich bolš razoŭ, heta moža vyklikać drennyja nastupstvy dla zdaroŭja.
Ekśpierty nahadvajuć, što rečyvy z płastykavych butelek časta pieranosiacca ŭ napoi, jakija zachoŭvajucca ŭ hetych butelkach. Toje, kolki rečyvaŭ pieraniasiecca, zaležyć ad roznych faktaraŭ: času kantaktu, tempieratury, upłyvu soniečnych pramieniaŭ i składu napoju. Kali ŭ butelcy vada, u jaje trapić mienš škodnych rečyvaŭ z płastyku, kali ž tam kisły apielsinavy sok ci hazavany napoj, takich rečyvaŭ u vadkaści budzie bolš.
Błohierka dadaje, što siarod rečyvaŭ, jakija vydzialaje płastyk, jość taksičny materyjał antymonij (surma), jaki moža vyklikać młosnaść, irvotu i dyjareju. Taksama płastyk vydzialaje rečy, padobnyja pa struktury da naturalnych harmonaŭ, jakija mohuć drenna ŭpłyvać na funkcyjanavańnie endakrynnych załozaŭ.
Hłyboka ŭ lohkich žyvych ludziej znajšli čaścinki płastyku. Nieviadoma, jak heta ŭpłyvaje na zdaroŭje
Navukoŭcy prydumali, jak pieratvaryć płastyk u vanilin
Hoły mužčyna pierabieh z Polščy ŭ Biełaruś, ruch na miažy na paru hadzin pierakryvali9
Kamientary