U Breście i Homieli pačalisia pieršyja sudy za «padrychtoŭku da ŭdziełu ŭ vajnie va Ukrainie»
U paniadziełak, 25 lipienia, u Bresckim abłasnym sudzie pačaŭsia pieršy sud pa pa č. 1 art. 13 i č. 1 art. 361-3 Kryminalnaha kodeksa (padrychtoŭka da ŭdziełu hramadzianina Respubliki Biełaruś na terytoryi zamiežnaj dziaržavy ŭ vajennych dziejańniach biez upaŭnavažańnia dziaržavy), paviedamlaje «Viasna».
Artykuł praduhledžvaje pakarańnie da piaci hadoŭ kałonii. Abvinavačany — 37-hadovy žychar Bresta Siarhiej Vajciuk. Spravu razhladaje sudździa Śviatłana Kramianioŭskaja. Mienavita hetaja sudździa ŭ lutym 2021 hoda paśmiarotna pryznała vinavatym u supracivie milicyjantu (art. 363 KK) zabitaha Hienadzia Šutava, jaki 11 žniŭnia atrymaŭ ahniastrelnaje ranieńnie ŭ hałavu padčas pratestaŭ u Breście. Taksama jana asudziła da 10 hadoŭ źniavoleńnia siabra Hienadzia Alaksandra Kardziukova. Pasiadžeńnie paznačanaje jak adkrytaje, nastupnaje — zaŭtra.
A siońnia ŭ Homielskim abłasnym sudzie raspačynajecca praces nad Michaiłam Listapadavym. Jaho buduć sudzić pa dvuch artykułach Kryminalnaha kodeksa: pa č. 1 art. 361-1 i art. 342. Spravu ŭ zakrytym režymie budzie razhladać sudździa Alaksiej Chłyščankoŭ, jaki asudziŭ čatyroch palitviaźniaŭ — Taćcianu Kanieŭskuju, Juryja Ułasava, Dźmitryja Ivaškova, Alaksandra Šabalina — pa «spravie ab zachopie administracyj».
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary