Polšča kupić u Paŭdniovaj Karei tysiaču tankaŭ i 48 samalotaŭ. Častka hetaha moža pajści na dapamohu Ukrainie
Polšča kupić u Paŭdniovaj Karei amal tysiaču tankaŭ, bolš za 600 artyleryjskich harmat i paŭsotni źniščalnikaŭ, častkova dla zamieny techniki, jakuju Varšava ŭ ramkach vajskovaj dapamohi pieradała Kijevu.
Pahadnieńnie, pra jakoje, jak čakajecca, budzie aficyjna abvieščana ŭ sieradu, praduhledžvaje zakupku Varšavaj 980 tankaŭ na bazie paŭdniovakarejskaj madeli K2, 648 samachodnych braniavanych haŭbic K9 i 48 źniščalnikaŭ FA-50. Čakajecca, što pieršyja 180 tankaŭ K2, asnaščanych samazaradnymi 120-mm harmatami, pastupiać sioleta, a vytvorčaść jašče 800 madernizavanych tankaŭ pačniecca ŭ 2026 hodzie ŭ Polščy.
Akramia taho, sioleta Polšča atrymaje pieršyja 48 haŭbic K9, a pastaŭka druhoj partyi z 600 adzinak pavinna pačacca ŭ 2024 hodzie.
Ministr abarony Polščy ŭžo prakamientavaŭ ździełku ŭ Tvitary.
Jon napisaŭ, što nabytaja technika «značna pavysić biaśpieku Polščy i moc polskaha vojska». U Paŭdniovaj Karei zajaŭlajuć, što ździełka z Polščaj źjaŭlajecca najbujniejšym pahadnieńniem Sieuła ab eksparcie zbroi za ŭsiu historyju.
Nielha vyklučać, što častka hetych uzbrajeńniaŭ moža pajści na dapamohu Ukrainie.
Pobač z Łukašenkam na chakiei źjaviłasia novaja pryhažunia10
Kamientary