Pałamanyja drevy, mora vady na vulicach i trochi navat u budynkach. Vyniki siońniašniaj zalevy FOTA, VIDEA
Śpiakota ŭ niekatorych rehijonach krainy źmianiłasia mocnym liŭniem. Nastupstvy najbolš byli zaŭvažnyja ŭ Hrodzienskaj i Minskaj abłaściach.
Chacia doŭžyŭsia doždž niadoŭha, drevy ŭsio roŭna nie vytrymali. Na vulicy Lubimava ŭ Minsku prajezd u dvary zavaliła z dvuch bakoŭ. U niekatorych budynkach dach daŭ cieču, piša Onliner.
Sam doždž u Minsku vyhladaŭ tak.
Kala 34-ha doma na praśpiekcie Lubimava ŭpali dva drevy, niekalki mašyn apynulisia ŭ pastcy.
— Kamunalniki jašče nie prybyli, užo hadzina prajšła. Adna mašyna krychu paškodžana była, ale škło nie raźbiłasia. Ludzi drevy pakul nie čapajuć, u pryncypie, ja bačyŭ, jak prosta padčas daždžu pa tratuary vyjazdžali tyja, chto ŭ pastcy apynulisia, — raskazvaje Jarasłaŭ, aŭtar videarolika.
Dastałasia i Nacyjanalnamu aeraportu, tam lišniuju vilhać źbirali ŭ viodry.
Vyniki bury kala Kurhana Słavy: raskidanyja pałatki, stały, kresły, trenažory i pavialičanyja šachmaty.
Siońnia praz Hrodna prajšła paŭhadzinnaja zaleva — vada zatapiła adrazu niekalki vulic.
U asnoŭnym vializnyja łužyny ŭtvarylisia na prajeznaj častcy ŭ Alšancy i Višnioŭcy.
«Čarhovy doždž i znoŭ vialikaja prablema», — napisała ŭ redakcyju «AŭtaHrodna» žycharka z vulicy Napaleona Ordy.
Žančyna źniała, jak łužynu sprabavaŭ pieraadoleć kiroŭca ŭniviersała, ale, pahruziŭšysia na paŭkoła ŭ vadu, aŭtamabil zahłuch.
Mašynu pryjšłosia vyšturchoŭvać z łužyny.
Kali vam udałosia źniać nastupstvy siońniašnich daždžoŭ — dasyłajcie fota i videa ŭ naš čat-bot @nasa_niva_bot.
«Biełarusy buduć cichieńka dumać svajo. A vada kamień točyć, dyj Łukašenka fizična nie viečny». Hłyboki manałoh byłoha mytnika Alesia Jurkojcia6
Kamientary
za što nie voźmucca, usio ŭ bazar pieratvorać