Zajaviŭ siońnia premjer-ministr Biełarusi na sustrečy z kirujučym dyrektaram banka AKA «Aŭśfiurkredyt-Hiezielšaft» Hansam-Jorham Totam.
Pra heta zajaviŭ 22 vieraśnia premjer‑ministr Biełarusi Siarhiej Sidorski na sustrečy z kirujučym dyrektaram banka AKA «Aŭśfiurkredyt‑ Hiezielšaft» Hansam‑Jorham Totam.
«My nie zdymajem ambicyjnych zadač, jakija pastaŭleny biełaruskim uradam pierad ekanomikaj. My pradoŭžym realizacyju inviestycyjnych i inavacyjnych prahram na bližejšyja 3‑5 hadoŭ», — skazaŭ premjer‑ministr. Jon adznačyŭ, što pry ahulnym spadzie ekanomik susiednich dziaržaŭ temp rostu inviestycyj u Biełarusi składaje sioleta amal 117 pracentaŭ. U suviazi z hetym inviestycyi źjaŭlajucca važniejšym elemientam dla realizacyi prahram.
Pavodle słoŭ Siarhieja Sidorskaha, Hiermanija dla Biełarusi — adna ź viadučych krain‑partnioraŭ. Za 7 miesiacaŭ dvuchbakovy tavaraabarot pierasiahnuŭ 1 młrd. jeŭra. U Biełarusi stvorana 352 pradpryjemstvy z udziełam niamieckaha kapitału, jany paśpiachova pracujuć.
Siarhiej Sidorski paćvierdziŭ hatoŭnaść urada i ŭ dalejšym pracavać z bankam AKA. Jon taksama padziakavaŭ kiraŭnictvu banka za abjektyŭnuju acenku dziejańniaŭ biełaruskaha ŭrada. U sakaviku i vieraśni AKA pierahledzieŭ kredytny partfiel dla Biełarusi i pavialičyŭ limity dla našaj krainy.
Pavodle słoŭ Siarhieja Sidorskaha, inviestavanyja srodki byli nakiravany ŭ realnuju ekanomiku. 21‑22 vieraśnia kiraŭnictva banka AKA aznajomiłasia z pakazčykami raboty viadučych pradpryjemstvaŭ Biełarusi, jakim była akazana kredytnaja padtrymka banka. Heta pradpryjemstvy mašynabudavańnia, mikraelektroniki, pierapracoŭčaj pramysłovaści.
U cełym Siarhiej Sidorski nahadaŭ, što Biełaruś suśvietny finansavy kryzis taksama nie abminuŭ.
Adnak u krainie raspracavana dobraja antykryzisnaja prahrama, jakaja apraŭdała siabie. Užo ciapier mnohija krainy zajaŭlajuć ab chutkim vychadzie z kryzisu.
«My stavimsia da hetaha pytańnia abjektyŭna i robim usio, kab ekanomika Biełarusi adčuvała siabie bolš upeŭniena. Paćviardžeńniem taho źjaŭlajecca toje, što VUP Biełarusi ŭ biahučym hodzie znachodzicca ŭ miežach uzroŭniu 2008 hoda, heta značyć faktyčna my idziom pa płancy minułaha hoda», — skazaŭ premjer‑ministr.
Biełaruś pravodzić reformy, jakija vysoka aceńvajucca Suśvietnym bankam i inšymi finansavymi instytutami. U pryvatnaści, u apošniaj spravazdačy Suśvietnaha banka Biełaruś zaniała 58‑ie miesca ŭ rejtynhu krain z najbolš spryjalnymi ŭmovami viadzieńnia biźniesu. Nahadajem, naša kraina płanuje ŭvajści ŭ tryccatku krain z najlepšym biźnies‑klimatam.
Akramia taho, na sustrečy było zakranuta pytańnie ab mahčymaści pierachodu Biełarusi ź siomaj u šostuju hrupu ryzyki pa invieściravańniu. Kirujučy dyrektar banka AKA ličyć, što ŭ cełym heta mahčyma. «My nie rady tamu, što Biełaruś siońnia adnosicca da hetaj katehoryi», — padkreśliŭ Hans‑Jorh Tot
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary