U jakaści jaskravaha prykładu historyk pryvodzić padručnik pa historyi Biełarusi dla 10‑ha kłasa.
25 vieraśnia ŭ Minsku Biełaruskaje histaryčnaje tavarystva ładzić mižnarodnuju navukovuju kanfierencyju «Kastuś Kalinoŭski i jaho epocha ŭ dakumientach i kulturnaj tradycyi».
Adzin z arhanizataraŭ, historyk Alaksandr Kraŭcevič, u razmovie z «NN» patłumačyŭ nieabchodnaść praviadzieńnia takoj kanfierencyi tym, što «asoba Kalinoŭskaha siońnia vyklikaje nieadnaznačnuju reakcyju ŭ dziaržaŭnych ideołahaŭ.
Idzie sproba likvidacyi Kastusia Kalinoŭskaha jak nacyjanalnaha hieroja».
U jakaści jaskravaha prykładu historyk pryvioŭ padručnik pa historyi Biełarusi dla 10‑ha kłasa. Jon nie tolki pierakładzieny z rasijskaj movy. Niekatoryja jaho parahrafy i raździeły adkryta skiravany na falsifikacyju ajčynnaj historyi.
Naprykład parahraf 26, jaki nazyvajecca «Polskaje paŭstańnie 1863 h. na biełaruskich ziemlach» i raździeł čaćviorty dadzienaha parahrafa pad nazvaj «Histaryjahrafičny mif ab Vikiencii Kalinoŭskim».
Alaksandr Kraŭcevič akcentuje uvahu na tym, što toj ža padručnik nazyvaje Michaiła Muraŭjova‑Viešalnika talenavitym administrataram, što nie moža nie aburać prafiesijnych historykaŭ.
Kanfierencyja, što projdzie pry aktyŭnaj padtrymcy Polskaha Instytuta ŭ Minsku, pavinna pryciahnuć uvahu hramadskaści da hetaj prablemy. Pa jaje vynikam arhanizatary płanujuć vydać zbornik materyjałaŭ, kudy ŭvojduć nie tolki teksty dakładaŭ, ale i najbolš cikavyja momanty dyskusii.
***
Prahrama kanfierencyi (h.Minsk. vuł.Karala, 3 aŭdytoryja 20).
25 vieraśnia 2009 h.
9.00 — 9.30 Rehistracyja
9.30 — Pačatak kanfierencyi
Pasiedžańnie 1
«Kastuś Kalinoŭski i jaho epocha»
9.30. — 11.40
Aleś Smalančuk (Hrodna), doktar histaryčnych navuk, «Asoba Kalinoŭskaha jak daśledčaja prablema».
Siarhiej Tokć (Hrodna), kandydat histaryčnych navuk, «Nacyjanalny i sacyjalny dyskursy ŭ tekstach «Mužyckaj praŭdy» i «Rasskazov na biełorusskom nariečii»«.
Ihar Klimaŭ (Minsk), kandydat fiłałahičnych navuk, «Moŭnaja i adukacyjnaja prahrama Kastusia Kalinoŭskaha dla biełaruskich sialan (pavodle «Mužyckaj praŭdy»)».
Alaksandr Radziuk (Hrodna), kandydat histaryčnych navuk, «Represiŭnaja dziejnaść ujezdnych vajennych načalnikaŭ 1863‑1864 (na prykładzie Haradzienskaj hub.)».
Alena Ihnaciuk (Pinsk), kandydat fiłałahičnych navuk, «Paŭstancy Hažyčy».
Volha Harbačova (Minsk), kandydat histaryčnych navuk, «Fotazdymak jak krynica ab udzielnikach paŭstańnia 1863 h.».
Alena Firynovič (Minsk), aśpirantka IH NAN Biełarusi, «Materyjały NHA RB u h. Harodni pa historyi paŭstańnia 1863 — 1864 h.: krynicaznaŭčy analiz».
Adkazy na pytańni. Dyskusija.
Pierapynak na kavu 11.40. — 12.00.
Pasiedžańnie 2
«Kastuś Kalinoŭski ŭ biełaruskaj kulturnickaj tradycyi»
12.00 — 14.00
Valancina Janoŭskaja (Minsk), k.h.n., «Akademik Uł.Piercaŭ ab roli Kastusia Kalinoŭskaha ŭ biełaruskaj historyi: źmiena pohladaŭ pad upłyvam savieckaj rečaisnaści».
Tomaš Vielh (Apole), dr., «Litaraturny vobraz Kastusia Kalinoŭskaha ŭ tvorčaści Uładzimira Karatkieviča».
Nastaśsia Žarskaja (Minsk), mhr., «Vobraz Kastusia Kalinoŭskaha ŭ mastackaj litaratury».
Alaksandr Iljin (Pinsk), k.f.‑m.n. «Jan Paźniak — pieršy daśledčyk ŭdziełu pravasłaŭnaha duchavienstva ŭ studzienskim paŭstańni».
Andrej Šułajeŭ (Minsk), mhr., «Vieksiłałahičnyja abjekty i paŭstańnie Kalinoŭskaha: histaryjahrafičny vobraz i krytyka».
Anatol Trafimčyk (Brest), k.h.n., «Tadevuš Kaściuška ŭ paetyčnym słovie biełarusaŭ kanca ChVIII — XIX st.».
Ivan Sacukievič (Minsk), «Miemaryjalizacyja Kastusia Kalinoŭskaha va ŭrbananimicy Biełarusi».
Adkazy na pytańni. Dyskusija
14.00 — 15.30 — Abied
Pasiedžańnie 3
«Asoba Kastusia Kalinoŭskaha ŭ nacyjanalnym dyskursie»
15.30 — 17.00
Andrej Vaškievič (Hrodna), aśpirant IH NAN Biełarusi, !Kastuś Kalinoŭski i biełaruskaja nacyjanalnaja ideja ŭ XX st.».
Valancin Hołubieŭ (Minsk), k.h.n., «Postać Kalinoŭskaha ŭ palityčnym žyćci Biełarusi kanca XX — pačatku XXI st.».
Andrej Unučak (Minsk), k.h.n., «Da pytańnia interpretacyi idejnaj spadčyny Kastusia Kalinoŭskaha».
Vital Skałaban (Minsk), k.h.n., «Postać Kastusia Kalinoŭskaha ŭ 30‑40 hh. XX stahodździa: palityka, navuka, mastactva».
Juraś Bačyšča (Minsk), k.h.n., «Postać Kastusia Kalinoŭskaha ŭ drukavanaj spadčynie biełaruskich chryścijanskich demakrataŭ».
Jaŭhien Miranovič (Biełastok), dr.chab., «Bačańnie asoby Kalinoŭskaha siarod biełarusaŭ Biełastoččyny».
Jan Ježy Mileŭski (Biełastok), dr., «Pamiać pra Kastusia Kalinoŭskaha ŭ Polščy».
Aleś Pahareły (Varšava), mhr., «Kalinoŭski ŭ panteonie nacyjanalnych hierojaŭ BCHD (1920‑30‑ia hh.)».
17.00 — Dyskusija
A.Lis, A.Maldzis, A.Łatyšonak, U.Lachoŭski
26 vieraśnia 2009 h.
11.00. Praciah dyskusii na siabroŭskaj imprezie ŭ majsterni mastaka‑hrafika Uładzimira Višnieŭskaha.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada16
Kamientary