Hetaja strava abjadnoŭvaje ŭ siabie dva kłasičnyja recepty — jabłyčny piroh i desiert «krambł». Prajavicie ŭ recepcie svaju tvorčaść: śmieła zamianiajcie sadavinu ci cukar na inšy abo dadavajcie ŭ recept arechi, jakija vam padabajucca.
Fota: BBC Food
Kab zhatavać jabłyčny piroh z kroškaj, vam spatrebicca:
- 375 hramaŭ hatovaha sałodkaha piasočnaha ciesta
- 4—6 jabłykaŭ (vahoj kala 800 hramaŭ)
- stałovaja łyžka limonnaha soku
- paŭtary stałovyja łyžki muki + 85 hramaŭ muki dla vierchniaha słoju
- 85 hramaŭ masła, narezanaha na kubiki
- pałova čajnaj łyžki mołataha muskatnaha arechu
- pałova čajnaj łyžki mołataj karycy
- 100 hramaŭ cukru + 4 stałovyja łyžki cukru dla vierchniaha słoju + dadatkovy cukar dla pasypańnia
- 50 hramaŭ razynak ci śviežaj ažyny (kali majecie)
- drobka soli
- žmienia aŭsianych šmatkoŭ (pa žadańni)
- Padrychtujcie formu dla piraha, pažadana dyjamietram 23 santymietry. Trochi pasypcie pracoŭnuju pavierchniu mukoj, potym raskačajcie na joj ciesta, pakul jano nie stanie ŭ pamiery na 3 santymietry šyrejšym za formu.
- Pieraviarnicie ciesta na kačałku i ź jaje dapamohaj pieraniasicie ciesta ŭ formu. Uciśnicie ciesta ŭ jaje i abrežcie lišnija častki vostrym nažom. Astudzicie ciesta, pakul vy budziecie rabić načyńnie.
- Razahrejcie duchoŭku da 190 hradusaŭ i pastaŭcie blachu dla vypiakańnia na siaredniuju palicu ŭ duchoŭcy.
- Prasiejcie ŭ vialikuju misku 85 hramaŭ muki i drobku soli, dadajcie masła. Palcami ŭcirajcie masła ŭ muku, pakul nie atrymajecie ciesta, padobnaje pa kansistencyi da bujnoj kroški.
- Dadajcie 4 stałovyja łyžki cukru i, kali chočacie, aŭsianyja šmatki. Pastaŭcie krošku achałodžvacca ŭ chaładzilnik.
- Abłupicie jabłyki, dastańcie ź ich siaredzinu i narežcie jabłyki na bujnyja dolki. Pieramiašajcie jabłyki ź limonnym sokam u asobnaj miscy.
- Prasiejcie paŭtary stałovyja łyžki muki, karycu i muskatny arech, dobra pieramiašajcie. Dadajcie 100 hramaŭ cukru, a taksama razynki ci ažynu, kali vykarystoŭvajecie. Pieramiašajcie.
- Vykładzicie jabłyki ŭ formu ź ciestam, pasypcie kroškaj, a potym sumieśsiu z punkta 7. Nie pužajciesia, kali ciesta zanadta vysokaje, bo padčas vypiakańnia jano asiadzie. Vypiakajcie piroh 30 chvilin ci pakul ciesta i kroška nie stanuć załacistymi i chrumstkimi. Padavajcie piroh ź viarškami ci marožanym.
Recept na vychadnyja. Hrušavy piroh ź mindalom — italjanski desiert
Recept na vychadnyja. Piersikavy kobler — tradycyjny amierykanski desiert
Recept na vychadnyja. Bulbiany hraten — prostaja strava dla letniaj viačery
«Hruzić siabie i inšych»: były pamočnik Łukašenki Ihar Bryło biare na siabie vinu ŭ pramysłovych abjomach6
Kamientary