Skončyli restaŭravać histaryčny budynak pa vulicy Rakaŭskaj u Minsku, u im budzie vystava
Budynak pa adrasie Rakaŭskaja, 17 znachodzicca ŭ histaryčnym kvartale Rakaŭskaje pradmieście i źjaŭlajecca historyka-kulturnaj kaštoŭnaściu. Niekalki hadoŭ tut išła restaŭracyja, a ciapier Muziej historyi horada Minska budzie prezientavać u budynku vystavy. 8 vieraśnia adkryvajecca pieršaja z ich, paviedamlaje ahienctva «Minsk-naviny».
U tematyčnych raździełach vystavačnaha prajekta «Majo imia — Minsk» vobraz Minska pakažuć u žyvapisie i pradukcyi pradpryjemstvaŭ ŭ vyhladzie aryhinalnych pradmietaŭ i madelaŭ.
Karciny Uładzimira Toŭścika, Maja Dancyha, Alhierda Mališeŭskaha, Leanida Dudarenki, Abrama Krola, Siarhieja Ramanava i mnohich inšych tvorcaŭ pakažuć, jak mianiaŭsia Minsk na praciahu XX stahodździa.
Upieršyniu budzie pradstaŭlena sieryja žyvapisnych partretaŭ «Historyja ŭ asobach» viadomaha minskaha mastaka Juryja Krupiankova.
Na śpiecyjalnych podyumach buduć raźmieščanyja instalacyi z pradmietaŭ, jakija adnaŭlajuć atmaśfieru savieckich časoŭ. Mnohija z pradmietaŭ zachavanyja i pieradadzienyja muzieju prostymi minčanami. Tut pradstaŭleny redkija artefakty — pradukcyja staličnych pradpryjemstvaŭ: radyjoła «Minsk R-7», matacykł «Minsk M1A», tranzistarny radyjoprymač «Minsk-T», chaładzilnik «Minsk-2», jakija vypuskalisia ŭ 1940—1960-ch hadach.
Vystavačny prajekt budzie pracavać da 5 lutaha.
-
Biełarusy spraścili pošuk pa tysiačach raniej zasakrečanych aerafotazdymkaŭ Biełarusi, apublikavanych Nacyjanalnym archivam ZŠA
-
Hałoŭnaja architekturnaja premija śvietu dastałasia kitajskamu architektaru, čyje prajekty «prasłaŭlajuć paŭsiadzionnaje žyćcio ludziej»
-
Staryja mohiłki ŭ Słucku razburajuć čas i vandały, ale achoŭvać ich nie źbirajucca
Ciapier čytajuć
«Pucin nie viedaŭ, što heta vyljecca ŭ takuju vajnu». Hałoŭnaje ź intervju Łukašenki18
Kamientary