Pra heta zajaviŭ 25 vieraśnia ŭ Minsku Alaksandr Łukašenka padčas sustrečy ŭ pašyranym składzie z patryjarcham Maskoŭskim i ŭsiaje Rusi Kiryłam.
Alaksandr Łukašenka ŭpeŭnieny, što vizit patryjarcha Kiryła nadaść «novy dynamičny impuls dziaržaŭna‑carkoŭnamu supracoŭnictvu».
Pra heta zajaviŭ 25 vieraśnia ŭ Minsku Alaksandr Łukašenka padčas sustrečy ŭ pašyranym składzie z patryjarcham Maskoŭskim i ŭsiaje Rusi Kiryłam.
Kiraŭnik dziaržavy padkreśliŭ, što ŭ Biełarusi «ź vialikaj simpatyjaj i adabreńniem» sočać za dziejnaściu patryjarcha Kiryła i «asabliva ceniać imknieńnie nie dapuścić raskołu adzinstva Ruskaj pravasłaŭnaj carkvy, kłopat ab pašyreńni i ŭmacavańni jaje ŭpłyvu ŭ sučasnym śviecie».
«Los pravasłaŭnaj carkvy nieparyŭna źviazany ź losam Biełarusi. U našym zakonie pryznana jaje vyznačalnaja rola ŭ histaryčnym stanaŭleńni i raźvićci duchoŭnych, kulturnych i dziaržaŭnych tradycyj našaha naroda», — skazaŭ Łukašenka.
Pavodle jaho słoŭ, pamiž śvieckaj i duchoŭnaj uładaj u Biełarusi skłalisia «pa‑sapraŭdnamu partniorskija adnosiny». «My vierym, što patencyjał pravasłaŭja, mahčymaści pašyreńnia jaho ŭpłyvu ŭ hramadstvie jašče daloka nie vyčarpanyja, — zajaviŭ kiraŭnik dziaržavy. — Sumiesnymi namahańniami my zmahli pieraadoleć nastupstvy pieryjadu biaźvierja i nihilizmu. Ciapier vielmi važna pradoŭžyć uzajemadziejańnie dziaržavy i carkvy pa ŭmacavańni maralnych asnoŭ hramadstva, zachavańni kulturnaj spadčyny i raźvićci sacyjalnaha słužeńnia».
Łukašenka taksama padkreśliŭ, što adnosiny z kiraŭnictvam Ruskaj pravasłaŭnaj carkvy «niaźmienna vyznačalisia asablivaj ščyraściu, dušeŭnaściu i ciepłynioj».
Patryjarch Kirył, u svaju čarhu, zaŭvažyŭ, što z kožnym hodam pravasłaŭnaja carkva «z poŭnym pravam stanovicca adnym z važnych instytutaŭ biełaruskich hramadstva, nadziejnaj aporaj dziaržavy».
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada17
Kamientary