U niadzielu ŭ vioscy Sałaćcie Hrodzienskaha rajona, što amal na samaj miažy ź Litvoj, ryma‑katalicki, hreka‑katalicki i pravasłaŭny śviatar supolna aśviacili ŭstalavany miascovymi žycharami kryž.
U niadzielu ŭ vioscy Sałaćcie Haradzienskaha rajonu, što amal na samaj miažy ź Litvoj, ryma‑katalicki, hreka‑katalicki i pravasłaŭny śviatar supolna aśviacili ŭstalavany miascovymi žycharami kryž.
Na śviata sabralisia amal usie žychary nievialičkaj vioski, pieravažna kataliki. Ksiondz i pravasłaŭny baciuška pryjechali z susiedniaha miastečka Parečča, a unijacki śviatar — z Horadni.
Kryž ustalavali haradzienski kaval Jury Macko i pradprymalnik Jury Remša. Jany abodva majuć u hetaj vioscy damy.
Kryž niezvyčajnych pamieraŭ, z dubu, na im prymacavany vykavany Jurasiom Mackom kryž śviatoha Benedykta, jakoha šanujuć, jak katoliki, unijaty, tak i pravasłaŭnyja.
Jak zaznačyŭ padčas uračystaściaŭ katalicki śviatar — heta vielmi symbalična, pakolki śviaty Benedykt źjaŭlajecca zastupnikam Eŭropy.
Imšu adsłužyŭ katalicki śviatar pa‑polsku, zatym pa‑biełarusku viaskoŭcaŭ vinšavaŭ unijacki śviatar, a pravasłaŭny pramaŭlaŭ pa‑rasiejsku — usim im ciopła plaskali ŭ dałoni.
Na pytańnie, jak im pryjšła ideja ustalavać kryž, Juraś Macko adkazaŭ: «U mianie daŭno ŭžo była takaja dumka, duža tut miesca fajnaje. Dy j žyviom my ŭsie tut pobač adzin adnaho: kataliki, pravasłaŭnyja, a ja i maja siamja — unijaty. Dumaju, što tak i pravilna, kab hety kryž šanavaŭsia ŭsimi».
Kamientary