Biełarusy stali zachoŭvać bolš hrošaj na bankaŭskich rachunkach
Pra toje, što biełarusy aktyŭna papaŭniajuć rublovyja i valutnyja depazity, śviedčyć statystyka Nacbanka adnosna dynamiki šyrokaj hrašovaj masy za studzień — vierasień.
Pradpryjemstvy i hramadzianie ŭ vieraśni nieśli ŭ banki jak biełaruskija rubli, tak i valutu. U vypadku z nacyjanalnaj valutaj u bolšaj stupieni prytok srodkaŭ farmavali fizičnyja asoby.
Tak, suma rublovych układaŭ hramadzian na 1 kastryčnika skłała amal 6,07 młrd rubloŭ — plus 126,2 młn da ŭzroŭniu 1 vieraśnia. Prykładna taki ž pryrost byŭ u žniŭni. Z ulikam depazitaŭ u nacvalucie i kaštoŭnych papier, vypuščanych bankami, rublovaja hrašovaja masa pavialičyłasia za minuły miesiac na 3,4% i skłała amal 28,217 młrd na 1 kastryčnika.
Valutnyja ŭkłady za vierasień vyraśli na 3,3% — da 10,55 młrd dalaraŭ. Acenienyja ŭ biełaruskich rublach, jany pavialičylisia na 0,27% — da 26,178 młrd, choć uzroŭniu pačatku hoda pakul nie dasiahnuli (minus 6,7%).
U cełym u vieraśni šyrokaja hrašovaja masa (najaŭnyja hrošy ŭ abaračeńni i srodki nasielnictva dy pradpryjemstvaŭ na rachunkach u bankach) praciahnuła raści: kali ŭ žniŭni jana dadała 390 młn rubloŭ, to za nastupny miesiac — užo 1 młrd, dasiahnuŭšy sumy 55,24 młrd. Pakazčyk pačatku hetaha hoda pieravyšany bolš čym na 1,8%.
Najaŭnych hrošaj u abaračeńni za vierasień stała bolš amal na 1,7% — 6,117 młrd rubloŭ, rost da pačatku hoda — plus 29,6% (z 4,72 młrd rubloŭ).
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary