Mižnarodny dzień uśmieški adznačyli kala 50 maładych ludziej 1 kastryčnika ŭ handlovym centry «Stalica» u Minsku.
Udzielniki sabralisia na pieršym paviersie i stali ŭ vyhladzie vialikaha smajlika, jaki simvalizuje ŭśmiešku. Maładyja ludzi, jakija trymali ŭ rukach pamarančavyja kartki , byli vočkami smajlika, a zialonyja kartki — niepasredna ŭśmieškaj.
Fłeš‑mob pryciahvaŭsia nie bolš za 5 chvilin. Achoŭniki handlovaha centru pačali chvalavacca z‑za natoŭpu ludziej i paprasili ŭsich razyścisia i pakinuć «Stalicu». Tamu ŭśmiešku paśpieli pabačyć tolki tyja minaki, jakija vypadkova apynulisia ŭ čaćvier viečaram u handlovym centry.
Suśvietny dzień uśmieški (World Smile Day) adznačajecca pieršaha kastryčnika. Hetaje śviata isnuje, dziakujučy mastaku Charvi Bełu. Adnojčy da Charvi viarnulisia pradstaŭniki Mutual Life Assurance Company of America s prośbaj prydumać jarki i zapaminalny simvał — vizitoŭku kampanii. Mastak prapanavaŭ kampanii žoŭtuju rožycu, jakuju siońnia ŭsie karystalniki interneta nazyvajuć smajlikam. Heta adbyłosia ŭ 1963 hodzie. Charvi Beł atrymaŭ paŭsotni dalaraŭ za pracu i suśvietnuju viadomaść.
Kamientary