Bolšaść biełarusaŭ vystupaje za zachavańnie stanu suisnavańnia dźviuch dziaržaŭnych moŭ, što adpaviadaje vynikam papiarednich daśledavańniaŭ sacyjołahaŭ, pryśviečanych movie.
Bolšaść biełarusaŭ vystupaje za zachavańnie stanu suisnavańnia dźviuch dziaržaŭnych moŭ, što adpaviadaje vynikam papiarednich daśledavańniaŭ sacyjołahaŭ, pryśviečanych movie.
Kali b zaŭtra adbyŭsia referendum ab tym, jakaja mova pavinna być u Biełarusi dziaržaŭnaj, zvyš pałovy respandentaŭ Niezaležnym instytutam sacyjalna‑ekanamičnych i palityčnych daśledavańniaŭ (Litva) prahałasavali b «za dźvie dziaržaŭnyja movy — biełaruskuju i ruskuju». Tolki «za ruskuju» prahałasavali b 15% respandentaŭ, a tolki «za biełaruskuju» — 19.8%.
Dadzienyja byli atrymanyja pad čas apytańnia, zładžanaha Niezaležnym instytutam sacyjalna‑ekanamičnych i palityčnych daśledavańniaŭ u vieraśni 2009 hodu.
Adnosna pytańnia movy zamiežnych ŚMI, jakija viaščajuć na Biełaruś, mierkavańnie respandentaŭ jašče bolš kateharyčnaje: amal 30% ličać, što zamiežnyja radyjo i teleprahramy dla Biełarusi pavinny viaščać «i na ruskaj, i na biełaruskaj» («na ruskaj» — 21%, «na biełaruskaj» — 9.9%).
Heta pytańnie zadavałasia u suviazi sa źmianieńniem movy viaščańnia Radyjo «Švecyja» na Biełaruś. Nahadajem, što niadaŭna viaščańnie radyjo z‑za prablem ź finansavańniem było pieraviedzienaje ź biełaruskaj na ruskuju movu.
Zhodna z papiarednimi daśledavańniami centru, cikaŭnaść da biełaruskaj movy padaje. Tak u červieni 2008 h. tolki 2.2% nasielnictva Biełarusi karystalisia ŭ paŭsiadzionnym žyćci biełaruskaj movaj (u pačatku 2007 h. hety pakazčyk składaŭ 5.2%). Adnačasova, kolkaść ludziej, jakija ŭžyvajuć i biełaruskuju i ruskuju, pavialičyłasia na 3% (17.3% u červieni), jak i kolkaść tych, chto ŭžyvaje «źmiašanuju» movu (amal 27%).
Ruskaj movaj u Biełarusi karystałasia tady krychu bolej za pałovu nasielnictva (53.1%). Za apošni čas ich kolkaść źmienšyłasia na 1.1%.
Inšyja dadzienyja maje infarmacyjna‑analityčny centar pry Administracyi prezydenta, jaki niadaŭna abviaściŭ vyniki daśledavańnia ab užyvańni biełaruskaj movy ŭ hramadztvie. Zhodna ź imi, 72% respandentaŭ karystajucca ŭ paŭsiadzionnym žyćci ruskaj movaj, 11.9% — biełaruskaj. U chatnich umovach časta ci čas ad času ŭžyvajuć biełaruskuju movu 35,1% respandentaŭ.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary