Большасьць беларусаў выступае за захаванне стану суіснавання дзвюх дзяржаўных моў, што адпавядае вынікам папярэдніх даследаванняў сацыёлагаў, прысвечаных мове.
Большасьць беларусаў выступае за захаванне стану суіснавання дзвюх дзяржаўных моў, што адпавядае вынікам папярэдніх даследаванняў сацыёлагаў, прысвечаных мове.
Калі б заўтра адбыўся рэфэрэндум аб тым, якая мова павінна быць у Беларусі дзяржаўнай, звыш паловы рэспандэнтаў Незалежным інстытутам сацыяльна‑эканамічных і палітычных даследаванняў (Літва) прагаласавалі б «за дзьве дзяржаўныя мовы — беларускую і рускую». Толькі «за рускую» прагаласавалі б 15% рэспандэнтаў, а толькі «за беларускую» — 19.8%.
Дадзеныя былі атрыманыя пад час апытаньня, зладжанага Незалежным інстытутам сацыяльна‑эканамічных і палітычных дасьледаваньняў у верасьні 2009 году.
Адносна пытаньня мовы замежных СМІ, якія вяшчаюць на Беларусь, меркаваньне рэспандэнтаў яшчэ больш катэгарычнае: амаль 30% лічаць, што замежныя радыё і тэлепраграмы для Беларусі павінны вяшчаць «і на рускай, і на беларускай» («на рускай» — 21%, «на беларускай» — 9.9%).
Гэта пытаньне задавалася у сувязі са зьмяненьнем мовы вяшчаньня Радыё «Швэцыя» на Беларусь. Нагадаем, што нядаўна вяшчаньне радыё з‑за праблем з фінансаваньнем было пераведзенае зь беларускай на рускую мову.
Згодна з папярэднімі дасьледаваньнямі цэнтру, цікаўнасьць да беларускай мовы падае. Так у чэрвені 2008 г. толькі 2.2% насельніцтва Беларусі карысталіся ў паўсядзённым жыцьці беларускай мовай (у пачатку 2007 г. гэты паказчык складаў 5.2%). Адначасова, колькасьць людзей, якія ўжываюць і беларускую і рускую, павялічылася на 3% (17.3% у чэрвені), як і колькасьць тых, хто ўжывае «зьмяшаную» мову (амаль 27%).
Рускай мовай у Беларусі карысталася тады крыху болей за палову насельніцтва (53.1%). За апошні час іх колькасьць зьменшылася на 1.1%.
Іншыя дадзеныя мае інфармацыйна‑аналітычны цэнтар пры Адміністрацыі прэзыдэнта, які нядаўна абвясьціў вынікі дасьледаваньня аб ужываньні беларускай мовы ў грамадзтве. Згодна зь імі, 72% рэспандэнтаў карыстаюцца ў паўсядзённым жыцьці рускай мовай, 11.9% — беларускай. У хатніх умовах часта ці час ад часу ўжываюць беларускую мову 35,1% рэспандэнтаў.
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою14
Каментары