Pad antarktyčnymi ldami znajšli raku daŭžynioj amal u 500 kiłamietraŭ
Brytanskija navukoŭcy znajšli na zachadzie Antarktydy bujnuju padlodnuju raku daŭžynioj 460 kiłamietraŭ. Pa praciahłaści i abjomach transpartavanaj vady jana supastaŭnaja z anhlijskaj Temzaj. Vyjaŭlenaja raka paskaraje rastavańnie Paŭdniovaj ladovaj šapki — praź jaje ledaviki chutčej spaŭzajuć u akijan.

Klimatołahi znajšli raku niedaloka ad mora Uedeła, kali vyvučali anamalii ŭ ruchu ladovych masivaŭ. Učastki kala vodnaj arteryi štohod hublajuć bolš vahi, čym astatnija.
U najbližejšy čas klimatołahi vyvučać i inšyja častki kantynienta, kab dakładna vyznačyć układ padlodnych rek u razbureńnie lednikoŭ.
Paskoranaje rastavańnie lodu Antarktydy adabjecca na zapalarnych rehijonach płaniety i hornych lednikach. Užo ciapier u hetych miascovaściach na 4-9 °S ciaplej, čym u minułyja stahodździ.
Kamientary