«Prychodźcie ŭ sakaviku nastupnaha hoda». Rasijanie atrymoŭvajuć pozvy na druhuju chvalu mabilizacyi
Patok mužčyn na vajnu stanie bieśpierapynnym — druhaja chvala mabilizacyi pačniecca paśla zaviaršeńnia vosieńskaha pryzyvu. Pozvy mužčynam pačali prychodzić z datami 2023 hoda — telehram-kanału «Možiem objaśniť» stała viadoma ŭžo pra try takija vypadki.
Admova Pucina padpisvać ukaz ab zakančeńni mabilizacyi była usio-taki nie vypadkovaj. U Kramli rychtujucca da taho, kab znoŭ adpraŭlać mužčyn na vajnu. Toje, što druhaja chvala niepaźbiežnaja, paćvierdzili krynicy vydańnia «Viorstka». «Ja nie viedaju dakładnych terminaŭ, ale novaja mabilizacyja ŭ Rasii moža pačacca chutka, mahčyma, užo zimoj», — raspavioŭ blizki da Kramla surazmoŭca. Pa słovach inšaha surazmoŭcy, paśla «emacyjnaj razhruzki nasielnictva «padčas navahodnich śviataŭ mohuć znoŭ pačać mabilizacyjnyja mierapryjemstvy: «u kaniec [mabilizacyi] nichto nie vieryć», «jasna, što ludzi spatrebiacca jašče, niezrazumieła tolki, kolki ich budzie».
Kanału «Možiem objaśniť» stała viadoma ŭžo pra try vypadki, kali ludziej abaviazali prybyć u vajenkamat u nastupnym hodzie.
Taki vypadak adbyŭsia z uładalnikam mabilizacyjnaj broni dla supracoŭnikaŭ IT-śfiery ź Nižniaha Noŭharada: 28-hadovy mužčyna schadziŭ u vajenkamat i atrymaŭ tam pozvu na 30 sakavika 2023 hoda.
Niešta padobnaje adbyłosia z supracoŭnikam adnaho z departamientaŭ administracyi Naŭharodskaj vobłaści (katehoryja «V» — abmiežavana prydatny) — jaho proźvišča ŭ vajenkamacie źvieryli pa śpisach i skazali: prychodźcie ŭ sakaviku nastupnaha hoda. Pozvu čynoŭniku nie dali, ale abiacali dasłać na miesca pracy.
Padpisčyk «MO» z Maskvy napisaŭ pra svajho siabra, jaki adsłužyŭ u vyviedcy. Jamu niadaŭna pryjšła pozva. «U vajenkamacie ŭdakładnili jaho danyja i skazali, što pryzavuć u druhuju chvalu mabilizacyi paśla Novaha hoda», — paviedamiŭ čytač.
Pra toje, što pačniecca druhaja chvala (ci druhi etap) mabilizacyi havaryli hubiernatary pryhraničnych abłaściej — Rastoŭskaj, Kurskaj i Varoniežskaj, ale ŭ Kramli ŭsio heta abviarhali.
Pravaabaronca Siarhiej Kryvienka z arhanizacyi «Hramadzianin. Armija. Prava» skazaŭ kanału, što nastrojeny skieptyčna: «Mabilizacyja nie skončana, prajšła tolki pieršaja chvala». Jon pierakanany, što mabilizacyja praciahniecca ŭ 2023 hodzie. Jana tolki adkładzienaja na pieryjad, «pakul vajenkamaty buduć zaniatyja sałdatami terminovaj słužby, a armija budzie pieravarvać užo pryzvanych», — ličyć Kryvienka.
Jak minimum 14 čałaviek zatrymanyja za palityku ŭ rabočym pasiołku Jalizava2
Kamientary