Łukašenkaŭcy vystaŭlajuć represavanych napakaz u videa, kab zastrašvać inšych ludziej. Hetyja videa ŚMI časta nazyvajuć pakajannymi.
Miž tym, tyja videa — vynik mantažu i režysury. Čałavieka zdymajuć padčas vobšuku, zatrymańnia razhublenym, časam hołym, paśla seksualnaha prynižeńnia, paśla źbićcia, zdymajuć na dopycie, zmušajuć apraŭdvacca — časta za toje, što nie jość nie toje što złačynstvam, ale i ŭvohule pravaparušeńniem, staviać pierad nieabchodnaściu zmahacca za žyćcio svajo i rodnych. Z usiaho nahavoranaha vyrazajuć patrebnyja vykazvańni, nakładajuć na zadnik z fotazdymkam dźviarej.
My dla siabie ŭ «Našaj Nivie» pastanavili, što bolš nie budziem takija videa nazyvać «pakajannymi». Navat kali my jak ŚMI pavinny apisvać ich, kab infarmavać, ci davać skrynšoty ź ich, kab pakazać, praz što prachodziać ludzi, my nie budziem užyvać słova «pakajannyja», bo heta źnievažaje hieraizm i pakuty achviaraŭ represij.
My nie pavinny ni na chvilinu dapuskać, što tatalitaryzm i prynižeńnie čałaviečaj hodnaści — heta narmalnaść, i pavinny apisvać realnaść dakładnymi terminami.
Davajcie paźbiahać słova «pakajannaje».
Ejsmant: Nijakich vybačeńniaŭ Łukašenka Zialenskamu nie prynosiŭ, bo prasić prabačeńnia nam niama za što51
Kamientary